پاسەوانانی مۆڵێك تەقە لە هاوڵاتیان دەكەن و كوژراوو بریندار هەیە

16/05/2019 - 08:40 بڵاوکراوەتەوە لە هەواڵ/عێراقی

 

 

لەپارێزگای نەجەفی باشووری عێراق شەڕو پێكدادان لەبەردەم مۆڵێك دروست بووەو بەهۆیەوە چەندین كەس بوونەتە قوربانی.

نەخۆشخانەی حەكیم لەپارێزگای نەجەف بڵاویكردۆتەوە، لەبەردەم مۆڵێك شەڕ ڕوویداوە، پاسەوانەكانی مۆڵەكە تەقەیان لە هاوڵاتیان كردووە، بەهۆیەوە چوار كەس كوژراون و (17) ی دیكەش برینداربوونە.

هەروەها دوای ڕووداوەكە هێزە ئەمنییەكان گەیشتوونەتە شوێنی ڕووداوەكەو پێنج كەسیان لە تەقەكاران دەستگیركردووە.

تاكو ئێستا سەرچاوە ئەمنییەكان و نەخۆشخانەی حەكیم هۆكاری شەڕەكەیان ئاشكرا نەكردووە، كە لەسەر چی بووە.