پەروەردە رونكردنەوەیەكی لەبارەی موچەی مامۆستایەنەوە بڵاو كردەوە

31/05/2016 - 10:49 بڵاوکراوەتەوە لە هەواڵ/كوردستانی

كوردیو -

بەڕێوەبەرایەتی پەرورەدەی هەولێر ڕایگەیاند، ڕۆژی دابەشکردنی موچەی مامۆستایانی ناوشار هاوکاتە لەگەڵ ئەنجامدانی ئەزموونە کۆتاییەکان کە ڕۆژی پێنجشەممەیە، بۆیە لەبەر پاراستی هێمنی هۆڵەکان دوانیوەڕۆی هەمان ڕۆژ موچەکانیان دابەش دەکرێت.

بەڕێوەبەرایەتی پەرورەدەی هەولێر لە لاپەڕەی تایبەتی خۆی لە تۆری كۆمەڵایەتی فەیسبوک ڕوونکردنەوەیەکی ئاڕاستەی بەڕێوەبەران و مامۆستایان کردووە سەبارەت بە دابەشکردنی مووچەی ناوەوەی شار و ڕایگەیاندووە "ڕۆژی دابەشکردنی مووچەی ناو شار هاوکاتە لەگەڵ ئەنجامدانی ئەزموونە کۆتاییەکان کە ئەویش ڕۆژی پێنجشەممەیە."

لەرونكردنەوەكەدا هاتووە : بانکەکان دەمێننەوە لە دوای نیوەڕۆی ئەو ڕۆژەدا و دوای تەواوبوونی تاقیکردنەوەکان ئینجا دەست دەکرێت بە دابەشکردنی مووچە تەنها بۆ پاراستنی هێمنی هۆڵەکان.

وەزارەتی دارایی و ئابووری حکومەتی هەرێم هەفتەی ڕابردوو خشتەیەکی نوێی دابەشکردنی موچەی ڕاگەیاند و بەپێی ڕاگەیەندراوەکەش ڕۆژانی یەك و دووی ی حوزەیران موچەی وەزارەتی پەروەردە دابەش دەکرێت.

 

 

هونەر بانەگوڵانی