لە ڕۆژانی تاقیكردنەوەكاندا، هێڵەكانی ئینتەرنێت لەهەرێم ڕادەگیرێن

31/05/2016 - 11:07 بڵاوکراوەتەوە لە هەواڵ/كوردستانی

وتەبێژی وەزارەتی گواستنەوە و گەیاندنی حكومەتی هەرێمی كوردستان  ڕایدەگەیەنێت: لە بەر بەرژەوەندی قوتابیان بڕیار درا هێڵی ئینتەرنێت لە كاتی تاقیكردنەوەكاندا ڕابگیرێت.

 

ئومێد حەمە ساڵح وتەبێژی وەزارەتی گواستنەوە و گەیاندنی حكومەتی هەرێمی كوردستان ، بە كوردیو ڕاگەیاند: بە هەماهەنگی لەگەڵ ئەنجومەنی وەزیران و وەزراەتی پەروەدە لەبەر بەرژەوەندی قوتابیان و ڕێگری كردن لە ئەنجامدانی (قۆپی) داوامان لەسەرجەم كۆمپانیاكانی هێڵەكانی ئینتەرنێت كردووە كە هێڵی ئینتەرنێت و پەخشەكەی ڕابگرن لە ڕۆژانی تاقیكردنەوەكانی پۆلی دوانزەی ئامادەی كە لە هەفتەیەكدا دوو ڕۆژ دەبێت و لە كاتژمێر 8ی بەیانی بۆ 11ی بەیانی دەخایەنێت.

 

ئەمە لە كاتێكدایە لە لێدوانێكی كەمال نوری بەڕێوبەری پەروەردی ڕۆژاوا كە بە كوردیو ڕاگەیاند، ووتی: داوایان لە وەزارەتی گواستنەوە و گەیاندن كردووە لە كاتی تاقیكردنەوەكاندا هێلێ ئینتەرنێت ڕابگرن.

 

 


سەلام بێستانسوری