كەلار... ئامادەكاریەكان بۆ ڕۆژانی جەژن ڕاگەیاندرا

02/07/2016 - 10:07 بڵاوکراوەتەوە لە هەواڵ/كوردستانی

ئامادەكارییەكانی‌ جەژنی ڕەمەزان پیرۆز لە قەزای كەلاری ناوەندی ئیدارەی گەرمیان راگەیەندرا، قایمقامی كەلاریش ڕایگەیاند هەموو رێوشوێنێكی‌ پێویست گیراوەتەبەر بۆ ئەوەی هاوڵاتیان لە بارودۆخێكی ئارام‌ و بێ گرفتدا پێشوازی لە ڕۆژانی‌ جەژن بكەن.

 

شەهاب ئەحمەد قائیمقامی قەزای كەلار لە ڕاكۆنگرەیەكی ڕۆژنامەوانیدا، ڕایگەیاند: تەواوی ئامادەكارییەكان ئەنجام دراوە بۆ ڕۆژانی جەژنی ڕمەزانی پیرۆز و لە ڕووی ئەمنیەوە تیمەكانی ئاسایش ‌و پۆلیس و پۆلیس 104رێوشوێنی پێویست دەگرنەبەر بۆ پاراستنی سەلامەتی گیان ‌و ماڵی هاوڵاتیان ‌و هەروەها تیمەكانی هاتووچۆش بە بەردەوامی لەهەوڵدا دەبن بۆ رێكخستنی‌ شەقام‌ و ڕێگە سەرەكییەكان ‌و رێگری كردن لە ڕووداوی نەخوازراو.

 

هەروەها وتیشی: تیمەكانی بەرگری شارستانی كەلار لە پێناو كونترۆڵكردنی هەر حاڵەتێكی ئاگر كەوتنەوە بە بەردەوامی لە ئامادەباشیدا دەبن.

 

ئەوەشی خستەڕوو: نەخۆشخانەكانی فریاكەوتنی شەهید هەژارو شێرەی نەقیب و فریاكەوتنی خێرا بەردەوام لە ئامادەباشی و لە پێشوازی هاوڵاتیاندان و ئێشكگریان دەبیت.

 

ئاماژەی بەوەش كرد: تیمەكانی یەكەم ودووەمی چاودێریكردنی بازاڕ لە ڕۆژانی جەژندا سەردانیان دەبێت لە پێنار ڕێگری لە بەرزبونەوەی نرخ و خواراكی بەسەرچوو.

 

 

 


سەلام بێستانسوری