داهاتی فرۆشتنی ژمارە نایابەكانی تابلۆی هەڵەبجە بۆ شارەكە تەرخاندەكرێت

26/06/2019 - 09:27 بڵاوکراوەتەوە لە هەواڵ/كوردستانی

 

بەڕێوەبەری هاتووچۆی پارێزگای هەڵەبجە ڕایدەگەیەنێت: داهاتی فرۆشتنی ژمارە نایابەكانی تابلۆی عێراق-هەڵەبجە 100% بۆ هەڵەبجە تەرخاندەكرێت.

 

عەمید حەسەن عەبدوڵا، بەڕێوەبەری هاتووچۆی پارێزگای هەڵەبجە لەبارەی پارەی ژمارە نایابەكانی تابلۆی عێراق-هەڵەبجە ڕاگەیاند: پارەی تابلۆكان لەسەدا سەد بۆ پەرەپێدانی پارێزگای هەڵەبجە بەكاردەهێندرێتەوەو لەزیادكردنێكی ئاشكرادا دەفرۆشرێت.

 

عەمید حەسەن وتیشی: لەو پارەیە 20%ی بۆ هاتووچۆی هەڵەبجە تەرخاندەكرێت، بۆنمونە دابینكردنی تابلۆ و هێماكانی هاتووچۆ و خەرجكردنی بۆ باڵەخانەی هاتووچۆی هەڵەبجە .

 

هەروەها ئاماژەی بەوەشكرد: لەسەرەتای مانگی حەوتدا دەست بە زیادكردنە ئاشكراكە بۆ فرۆشتنی تابلۆكان دەكرێت .