سلێمانی... نەبونی خزمەتگوزاری و كەموكوڕی لەپرۆژەیەك، نیگەرانی لێدەكەوێتەوە

26/06/2019 - 09:55 بڵاوکراوەتەوە لە هەواڵ/كوردستانی

 

پرۆژەیەكی نیشتەجێ بوون لەشاری سلێمانی بەدەست كەم وكوڕی و نەبوونی خزمەتگوزاریەوە دەناڵێنێت و لەكاتی بەدواداچوون بۆ كەموكوڕییەكانی پرۆژەكە ڕێگری لە كەناڵی سپێدەكرا.


پەیامنێرمان بێستوون محەمەد لەشاری سلێمانی پێی ڕاگەیاندین: نزیكەی هەشت ساڵە پرۆژەی هێلان سیتی لەشاری سلێمانی، بەدەست كەم وكوڕی و نەبوونی خزمەتگوزاریەوە دەناڵێنێت، دانیشتوانی پرۆژەكەش لە ڕێگای ئەنجومەنی پارێزگای سلێمانییەوە، داوای چارەسەركردنی كێشەكەیان دەكەن.


هەروەها ئەوەشی خستەڕوو: لەكاتی بەدواداچوون بۆپرۆژەكە، لەلایەن چەند كەسێكەوە كەخۆیان بەخاوەنی كۆمپانیای جێ بەجێكار ناساند، هەڕە شە و ڕێگریان لە كەناڵی سپێدە كردو و نەیانە هێشت بەدواداچوون بۆكەم وكوڕیەكانی پڕۆژەكە بكات.