كوردیو پیرۆزبایی لەكارمەندانی تەلەفزیۆنی یەكگرتوو كەناڵی سلێمانی دەكات

01/07/2019 - 13:26 بڵاوکراوەتەوە لە هەواڵ/كوردستانی

 

ئەمڕۆ 23 ساڵ بەسەر دامەزراندنی تەلەفزیۆنی یەكگرتووی ئیسلامی كوردستان- كەناڵی سلێمانیدا تێدەپەڕێت و ماڵپەڕی كوردیو پیرۆزبایی لەكارمەندانی كەناڵەكە دەكات.


لەبەرواری 1-7- 1996كەناڵێكی ئیسلامی بە رووی میدیای كوریدا كرایەوەو ئاسۆیەكی جیاوازی لە پەیامی پەروەردەیی و خەمی خەڵكی خرایە سەر شاشەی كەناڵی ناوخۆی، ئەویش بە دەستپێكردنی پەخشی ناوخۆی تەلەفزیۆنی یەكگرتوو- كەناڵی سلێمانی بوو.


تەلەفزیۆنی یەكگرتوو- كەناڵی سلێمانی لەو ماوەیەدا، كەناڵەكە هەزاران بەرنامەی جۆراوجۆری پێشكەش كردووەو هەمیشە مینبەری گەیاندنی دەنگی ناڕەزایی خەڵك بووەو بە پەیامی سیاسی و پەروەردەی و ئاینی خزمەتی بینەری كوردی كردووە.


ماڵپەڕی كوردیو بەبۆنەی ساڵیادی پەخشی كەناڵەكەوە پیرۆزبایی لەدامەزرێنەران و كارمەندانی كەناڵەكە دەكات و پەخشی 23 ساڵەی ئەو كەناڵە بەگرنگ لەمیدیای كوردیدا وەسف دەكات.

 


دەقی پەیامەكە:
پەیامی پیرۆزبایی ماڵپەڕی كوردیو بۆ تەلەفزیۆنی یەكگرتووی ئیسلامی كوردستان كەناڵی سلێمانی:

لە 23هەمین ساڵیادی پەخشی تەلەفزیۆنی یەكگرتوو كەناڵی سلێمانی دا كە یەكەمین كەناڵی تەلەفزیۆنی ئیسلامی كوردییە، گەرمترین پیرۆزبایی لەكارمەندان و بینەرانی كەناڵەكە دەكەین.
پەخشی تەلەفزیۆنی یەكگرتووی ئیسلامی كوردستان كەناڵی سلێمانی لەماوەی 23 ساڵیدا بەچەندین بەرنامەی جۆراوجۆ و كەلتور و بەها كۆمەڵایەتیەكان خزمەتی بە كۆمەڵگای كوردی كردوەو میوانێكی بەردەوامی خێزان و ماڵەكانی كوردستان بووە.
لەم یادەدا پیرۆزبایی لە دامەزرێنەرانی كەناڵەكەو كارمەندانی دەكەین و هیواخوازین هاوشێوەی ڕابردوو تەلەفزیۆنی یەكگرتووی ئیسلامی كوردستان كەناڵی سلێمانی لەپەخشی پیشەیی خۆی بەدەوام بێت و كەلێنی میدیایی كوردیو پڕ بكاتەوە.

ماڵپەڕی كوردیو
1-7-2019