سلێمانی... لەچێشتخانەكاندا پاشماوەی خۆراكی وپلاستیكی لەیەكترجیادەكرێنەوە

09/07/2019 - 17:27 بڵاوکراوەتەوە لە هەواڵ/كوردستانی

قائیمقامی سلێمانی بە ئامادەبوونی بەرێوبەر ونوێنەری فەرمانگە پەیوەندیدارەكان و رێكخراوە كانی بواری ژینگە لەگەڵ خاوەنی چێشتخانە و رێستۆرانت و فاستفودو كۆمپانیاكانی كۆكردنەوەی خاشاك كۆبووەوە.


ئاوات محەمەد قائیمقامی سلێمانی رایگەیاند: دەمانەوێت بەهەموو لایەكمان كاربكەین بۆ ئەوەی زیاتر ژینگەو تەندروستی هاوڵاتیان بپارێزین و رێكاری نوێ بگرینەبەر بۆ رێگرتن لە پیسبونی ژینگەوپێشنیاری جیاكردنەوەی پاشماوەی خۆراكی لەگەڵ پاشماوە پلاستیكی و شوشەكان كرد لەچێشتخانەو ڕیستۆرانت و شوێنە گشتیەكاندا، بەشێوەیەك پاشماوە خۆراكییەكان لە نایلۆنی ڕەنگ ڕەش و لەسەتڵێكی ڕەنگ ڕەشدا دابنرێت وپاشماوە پلاستیكی و شوشەییەكانیش لەنایلۆنی ڕەنگ سەوزو سەتڵێكی ڕەنگ سەوزدا دابرێت.


هەروەها بریار درا لەكەمترین كاتدا شارەوانی سلێمانی و كۆمپانیاكانی كۆكردنەوەی خاشاك میكانیزمێكی گونجاو بۆ كۆكردنەوەی پاشماوە خۆراكی و پلاستیكیەكان دانێن و خاوەن چێشتخانەو ڕیستۆرانت و خواردەمەنیەكان پێوەی پابەند بكرێن.


قائیمقامی سلێمانی داوای لەسەرجەم ڕاگەیاندنەكان كرد كە هەڵمەتێكی هۆشیاری باش دەست پێبكەن بۆ هۆشیاركدنەوەی زیاتری هاوڵاتیان لە كەمكردنەوەی پاشماوە خۆراكیەكان كەم بەكارهێنانی ماددە پلاستیكیەكان جێگرتنەوەو بەكارهێنانی زەرفی كاغەز لەبری زەرفی نایلۆن لەبەكارهێنانی ڕۆژانەیاندا.