ئەمڕۆ پەرلەمانی كوردستان كۆدەبێتەوە

11/07/2019 - 09:52 بڵاوکراوەتەوە لە هەواڵ/كوردستانی


بڕیارە ئەمڕۆ پێنج شەممە پەرلەمانی كوردستان كۆببێتەوەو لە كۆبونەوەكەی ئەمڕۆدا سەرۆكی نوێی پەرلەمان هەڵدەبژێردرێت.


سەرۆكایەتی پەرلەمانی كوردستان لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: ئەمڕۆ پێنج شەممە پەرلەمانی كوردستان كۆدەبێتەوە.


بەپێی كارنامەی كۆبونەوەكە سوێندخواردنی پەرلەمانتارانی نوێ بەڕێوەدەچێت و بڕگەی دووەمی كارنامەی دانیشتنەكەش تایبەت دەبێت بە هەڵبژاردنی سەرۆكی پەرلەمان كە بەپێی ڕێككەوتنی نێوان پارتی و یەكێتی ڕێواز فایەق كاندیدە بۆ ئەو پۆستە.


هەروەها بڕگەی سێیەمیش تایبەت دەبێت بە خوێندنەوەی یەكەم بۆ پێشنیازی بڕیاری دیاریكردمی ڕۆژی سێی ئابی 2014 وەك ڕۆژی كۆمەڵكوژی ئێزیدیەكان.