لەیلا گۆڤەن وەك پەرلەمانتار سوێندی یاسایی خوارد

12/07/2019 - 07:52 بڵاوکراوەتەوە لە هەواڵ/كوردستانی

 

 

(لەیلا گۆڤەن) پەرلەمانتاری سەر بە پارتی دیموكراتی گەلان، پاش یەك ساڵ لە هەڵبژاردنی بە نوێنەری هەكاری، بەئامادەبوونی لە پەرلەمان و بەجێهێنانی ڕێوڕەسمی سوێندخواردن بە فەرمی كاروباری نوێنەرێتی دەست پێكرد.

رۆژنامەی دیوار بڵاویكردۆتەوە، (لەیلا گوڤەن) نوێنەری هەكاری لە پەرلەمانی توركیاو لە پارتی دیموكراتی گەلان (HDP) پاش یەكساڵ لە هەڵبژاردرانی بە ئامادەبوون لە پەرلەمان و بەجێهێنانی ڕێوڕەسمی سوێندخواردن بە فەرمی كاروباری نوێنەرایەتی دەستی پێكرد.

هەڵبژاردنەكانی (25) ەمین خولی نوێنەرانی پەرلەمانی توركیا لە كاتێكدا بەڕێوەچوو كە (لەیلا گۆڤەن) لە زیندان بوو، ئەو لە كاتی هەڵبژاردنی بە نوێنەری هەكاری هەر لە زیندان ڕاگیراو پاشان بە هۆی مانگرتنی (200) ڕۆژەی لە خواردن و دۆخی نەگونجاوی تەندروستی لە زیندان ئازاد كرا، گۆڤەن بەوەشەوە دوای ساڵێك لە هەڵبژاردرانی توانی بچێتە پەرلەمانی توركیا.

ئەو پەرلەمانتارەی هەدەپە، مانگرتنی (200) رۆژەی لە خواردن تەنیا پاش بڵاوبوونەوەی پەیامی (عەبدولڵا ئۆجەلان) بۆ كۆتایی هێنانی مانگرتنەكان، كۆتایی پێهێناو پاش تێپەڕاندنی دۆخەكە، دوێنێ‌ بە ئامادەبوون لە پەرلەمان و بەجێهێنانی ڕێوڕەسمی سوێندخواردن بە فەرمی كاروباری نوێنەرایەتی دەست پێكرد.