وەزیری دەرەوەی توركیا ورده‌كاری رووداوه‌كه‌ی هه‌ولێر بڵاو ده‌كاته‌وه‌

17/07/2019 - 17:58 بڵاوکراوەتەوە لە هەواڵ/كوردستانی
مەولوود چاوشئۆغڵو، وەزیری دەرەوەی تورکیا لە یەکەم لێدوانی بۆ کەناڵەکانی راگەیاندن سه‌باره‌ت رووداوەکەی هەولێر رایده‌گه‌یه‌نێت پەیوەندیم بە نێچیرڤان بارزانی و مەسروور بارزانییەوە کردووە و لە پەیوەندیداین بۆ دۆزینەوەی تاوانباران و راشیگه‌یاندووه‌ لەسەر ئەو پرسە لەگەڵ وەزیری دەرەوەی عێراقیش پەیوەندی تەلەفۆنی ئەنجامداوە.

چاوشئۆغڵو لەبارەی رووداوەکەوە به‌ میداكانی توركیای راگه‌یاندووه‌ " هێرشەکەی ئەمڕۆ لەلایەن سێ کەسەوە ئەنجامدراوە كه‌ بۆته‌ هۆی گیان له‌ده‌ستدانی دوو کەس و کەسێکیش بە سەختی بریندارە. یەکەم کەسیش کە پەنجەی تۆمەتی بۆ رابکێشین و بێتە مێشکمانەوە پەکەکە، بەڵام ئێمە هەر لێکۆڵینەوە لە رووداوەکە دەکەین مادام خەڵکی عێراقیش لەنێو قوربانییەکاندایە".