پۆلیسی هەولێر دەستگیركردنی دووكەسی ڕاگەیاند

25/07/2019 - 11:06 بڵاوکراوەتەوە لە هەواڵ/كوردستانی

 

ئەفسەری لێكۆڵەر لە نوسینگەی نەهێشتنی تاوانی ڕۆژهەڵات بە هەولێر پۆلیسی ڕایدەگەیەنێت: دوو كەس بە تۆمەتی دزیكردن دوو كەس دەستگیركران و لێكۆڵینەوەش بەردەوامە.


بەڵین حاجی بكر ئەفسەری لێكۆڵەر لە نوسینگەی نەهێشتنی تاوانی ڕۆژهەڵات لە ڕاگەیەندراوێكدا كەوێنەیەكی دەست كوردیو كەوتوە، ڕاگەیاند: ئاگاداركراینەوە بەبوونی چەند ڕووداوێكی دزیكردن لە گەڕەكی سەیداوەو پاڕكینگی نەخۆشخانەی پار، ئێمەش دۆسیەی لێكۆڵینەوەمان بۆ ئەم ڕووداوانە كردەوە و توانیمان لە ماوەیەكی كەم تۆمەتباران دەستگیر بكەین.


هەروەها ئەوەشی خستەڕوو: تۆمەتبار بەناوی (و.ت.ح)، تەمەن (۱۹) ساڵ و تۆمەتبار (م.خ.م) تەمەن (۱۹) ساڵ، دوای دەستگیر كردنیان دانیان نا بە حەوت تاوانی دزیكردن كەوا هەڵسابوون بە شكاندنی جامی چەند ئۆتۆمبێلێك و بردنی كەلوپەلی ناو ئۆتۆمبێلەكان و دزینی سێ دەمانچەو بڕی (٥٤۰٫۰۰۰) دینار و كەل و پەلی ئەلیكتڕۆنی .


ئاماژەی بەوەشكرد: پەڕاوی لێكۆڵینەوەی بۆ ڕێكخرا و ڕەوانەی بەردەم بەڕێز دادوەر كرا بەڕێزیان بڕیاریدا بە بەندكردنی تۆمەتباران بەپێی ماددە (٤٤٦) لە (ی.س.ع).