هاتوچۆی سلێمانی هۆشداری دەداتەوە شۆفێرانی تەكسی و پاسەكان

28/07/2019 - 11:45 بڵاوکراوەتەوە لە هەواڵ/كوردستانی

 

بەڕێوەبەرایەتی هاتووچۆی پارێزگای سلێمانی هۆشداری دەداتەوە شۆفێرانی تەكسی و پاسەكان و ڕایدەگەیەنێت: نابێت بەهیچ شێوەیەك نەفەری زیادە لە ئۆتۆمبێلەكانیاندا باربكەن یاخود مەساری هێلەكان بگۆڕن.


بەڕێوەبەرایەتی هاتووچۆی پارێزگای سلێمانی لە ڕاگەیەندراوێكدا كە وێنەیەكی دەست كوردیو كەوتوە، ڕایگەیاند: ئاگاداری سەرجەم خاوەن ئۆتۆمبێلەكانی كرێی وەك (تاكسی و پاص) كە كاری گواستنەوەی هاوڵاتییان دەكەن، كە نابێت بەهیچ شێوەیەك نەفەری زیادە لە ئۆتۆمبێلەكانیاندا باربكەن یاخود مەساری هێلەكان بگۆڕن.


هەروەها ئەوەشی خستەڕوو: بەپێچەوانەوە دووچاری لێپرسینەوەو سزای دارایی بە بڕی (40,000) چل هەزار دینار دەبنەوە، ئەوەش بەپێی بڕیاری ئەنجومەنی وەزیران ژمارە (79) ساڵی (2016) بڕگەی (8) لە خشتەی سزای دارایی سەرپێچییەكانی هاتووچۆ لە هەرێمی كوردستاندا.