بۆ ماوەی چوار كاتژمێر ئاوی زێی دوكان ووشك كرا

29/07/2019 - 11:19 بڵاوکراوەتەوە لە هەواڵ/كوردستانی

 

قائیمقامییەتی قەزای دوكان ڕایدەگەیەنێت: بۆ ماوەی چوار كاتژمێر ئاوی زێی دوكان ووشك كراو تەرمی هاوڵاتییە خنكاوەكەی چەند ڕۆژی ڕابردوو نەدۆزرایەوەو گەڕانیش بەدوای تەرمەكەیدا بەردەوامە.


قائیمقامییەتی قەزای دوكان لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: سەرەڕای هەڵمەتێكی فراوانی تیمی مەلەوانی و پۆلیس و ئاسایشی دوكان و مەلەوانان ، تەرمی هاوڵاتییە خنكاوەكەی چەند ڕۆژی ڕابردوو نەدۆزرایەوەو گەڕانیش بەدوای تەرمەكەیدا بەردەوامە.


هەروەها ئەوەشی خستەڕوو: بەرەبەیانی ئەمڕۆ بۆ ماوەی چوار كاتژمێر ئاوی زێی دوكان گیراوەتەوە ، تا تیمی گەڕان بتوانن باشتر بەدوای تەرمی هاوڵاتییە خنكاوەكەدا بگەڕێن و بیدۆزنەوە.


جێگەی ئاماژەبۆكردنە لە ڕۆژی 26-7-2019 گەنجێكی تەمەن 17 ساڵ لە زێی دوكان خنكا و تا ئێستا لەلایەن تیمەكانی مەلەوانیەوە گەڕان بەدوای تەرمەكەیدا بەردەوامە.

 

دەقی هەواڵی پەیوەندیدار...