تابلۆی ژمارەی 1988ی هەڵەبجە بەهیچ ئۆتۆمبێلێك نادرێت

29/07/2019 - 11:29 بڵاوکراوەتەوە لە هەواڵ/كوردستانی


بەڕێوەبەری هاتوچۆی پارێزگای هەڵەبجە رایدەگەیەنێت: وەزارەتی ناوخۆی هەرێم پێشنیاری لابردنی تابلۆی ژمارە 1988ی ئۆتۆمبێلەكانی پارێزگای هەڵەبجەی قبوڵكردوە و نادرێت بە هیچ ئۆتۆمبێلێك.


بەڕێوەبەری هاتوچۆی پارێزگای هەڵەبجە لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: بەنوسراوی فەرمی داوامان لەوەزارەتی ناوخۆ كردووە، ژمارە 1988ی پارێزگای هەڵەبجە نەدرێت بە هیچ شۆفێرێك و لەلیستی خشتەی ژمارە نایابەكان و زیادكردنەكە لاببرێت.


لەسەر هۆكاری لابردنی ئەو ژمارەیەك، بەڕێوبارەتیەكە ئەوەشی خستەڕوو: لەبەرئەوەی ئەو بەروارە ڕۆژێكی شوم وتاڵە بەنیسبەت خەڵكی هەڵەبجەوە وەك ژمارەیەكی ئاسایی لەناو هەموو ژمارەكانی تردا بفرۆشرێـت و پێشنیارەكەمان قبوڵكراوە.