هه‌ولێر... تۆمه‌تبارێك ده‌ستگیر ده‌كرێت

31/07/2019 - 17:37 بڵاوکراوەتەوە لە هەواڵ/كوردستانی

 

بەڕێوەبەرایەتیی پۆلیسی هەولێر رایدەگەیەنێت: تۆمەتبارێكیان لەسەر دزینی ماتۆڕسكیل دەستگیركردوە و بڕێك ماددەی هۆشبەریشی پێ گیراوە.

 

موقەدەم شێرزاد هادی ڕسول، بەرپرسی نوسینگەی نەهێشتنی تاوانی باشور لە هەولێر ڕایگەیاند: پاش ئەوەی لە روداوێكی دزیكردن لە گەڕەكی باداوەی شاری هەولێر ئاگادار كراونەتەوە، هێزەكانی پۆلیس دەستیان بە كۆكردنەوەی زانیاری كردوە و توانیویانە ناسنامەی تۆمەتبارەكە ئاشكرا بكەن و دەستگیری بكەن.

 

هەروەها وتیشی: تۆمەتبارەكە ناوی (د.ع.ع) تەمەنی 21 ساڵە دوای دەستگیركردنی دانی ناوە بە تاوانەكەیدا كە ماتۆڕسكیلەكەی دزیوە، لەكاتی دەستگیركردنیدا بڕێك ماددەی هۆشبەری لای تۆمەتبارەكە بووە لە جۆری جگەرەی جامایكی و كڕیستال.

 

ئاماژەی بەوەشكردووە: پەڕاوی لێكۆڵینەوەی بۆ تۆمەتبارەكە كراوەتەوەو ڕەوانەی لای دادوەر كراوە ئەویش بڕیاری بەندكردنی داوە بە ماددەی 444 لە یاسای سزادانی عیراقی.