فراكسیۆنی یەكگرتوو بەدواداچوون بۆ دامەزراندنی مامۆستایانی گرێبەست دەكات

04/08/2019 - 10:27 بڵاوکراوەتەوە لە هەواڵ/كوردستانی

 

سەرۆكی فراكسیۆنی یەكگرتووی ئیسلامی لەپەرلەمانی كوردستان ڕایدەگەیەنێت: وەك فراكسیۆن بەدواداچوون بۆ دامەزراندنی مامۆستایانی گرێبەست و كێشەكانیان دەكەین.

 

د.شێركۆ جەودەت سەرۆكی فراكسیۆنی یەكگرتووی ئیسلامی كوردستان لەپەرلەمانی كوردستان ڕاگەیاند: رۆژی پێنج شەممە 1/8/2019فراكسیۆنی یەكگرتوو بۆ چارەسەری كێشەی مامۆستایانی گرێبەست سەردانی وەزارەتی پەروەردەی كرد و لە لایەن وەزیری پەروەردەی حكومەتی هەرێم پێشوازیان لێكرا.


هەروەها ئەوەشی خستەڕوو: وەك فراكسیۆنی یەكگرتوو داوامان لەوەزیری پەروەردە كرد مامۆستایانی گرێبەست ئەوانەی ماوەی سێ ساڵیان تەواو كردوە پێویستە دابمەزرێندرێن.


ئاماژەی بەوەشكرد: پڕۆژەی مرۆڤسازیش كە لە لەلایەن فراكسیۆنی یەكگرتوو ئامادەكراوە بۆ پێشكەشی وەزارەتی پەروەردەكرا بۆ ئەوەی بكرێتە بەشێك لە سیستەمی خوێندن لە هەرێمی كوردستان.