لە سعودیە بۆ یەكەمجار كارتی زیرەك بۆ حاجیانی هەرێم دروستكرا

04/08/2019 - 10:42 بڵاوکراوەتەوە لە هەواڵ/كوردستانی

وەزارەتی ئەوقاف و كاروباری ئایینی حكومەتی هەرێمی كوردستان ڕایدەگەیەنێت: ئەمساڵ بۆ یەكەم جار وڵاتی عەرەبستانی سعودیە كارتی زانیاری زیرەكی بۆ حاجیان دروست كردوە.



وەزارەتی ئەوقاف و كاروباری ئایینی حكومەتی هەرێمی كوردستان لە لاپەڕەی خۆی لە تۆڕی كۆمەڵایەتی فەیسبوك نوسیویەتی: ئەمساڵ بۆ یەكەم جار وڵاتی عەرەبستانی سعودیە كارتی زانیاری زیرەكی بۆ حاجیان دروست كردوە، ئەم كارتە ھەموو زانیارەیەكی حاجی لەسەر نوسراوە ھەرلەوڵات و شوێنی مانەوەی لەمەككەو مەدینەی پیرۆزو شوێنی مانەوە لەكێوی عەرەفەو میناو چەندین زانیاری وورد لەسەر پرۆسەی حەج بەگشتی، كەسەرجەمیان ئاسانكارین بۆ حاجیان.


هەروەها ئەوەشی خستەڕوو: نوێنەرانی وەزارەتی سعودیە كارتی زیرەكی حاجیان گەیاندە دەست بەرپرسانی كارگێری و نوێنەرانی وەزارەتی ئەوقاف وكاروباری ئایینی .