ئامارا دوماهیێ یا بریندارێن خوپیشاندانا گوندەکێ دەڤەرا ئاکرێ

07/08/2019 - 15:33 بڵاوکراوەتەوە لە هەواڵ/كوردستانی

ئەڤرۆ ل گوندەکێ ناحیا بجێل ل قەزا ئاکرێ خۆپێشاندانەک هاتە کرن ژ لایێ خەلکێ گوندیڤە ل سەر بیرێن نەفتێ وئالوزی وپێکدادان دناڤبەرا وان وهێزێن ئەمنی رویدان وساخلەمیا ئاکرێ ژی ئامارا بریندارێن ڤێ بویەرێ بەلاڤکر وئەڤا ل خوارؽ دەقێ وێ یە:

ئەڤرۆ ل گوندێ گوجار ل ناحیا بجیلێ ل قەزا ئاکرێ ژبەر نەرازیبوونا هاولاتیێن وی گوندی ل سەر بیرا نەفتێ خۆپیشاندان هاتەکرن و ئالوزی دناڤبەرا هێزێن ئەمنی و هاولاتیێن وی گوندی دروست بوو.

دئەنجامێ ڤێ نەرازیبوونا هاولاتیان دا ل دویڤ ئەو ئامارا ل نەخۆشخانا هەوارهاتنا ئاکرێ تێدا ۳٦کەس برینداربووینە و ۲٤ پولیسێن چالاکیێن مەدەنی نە و ۱۲ ژی هاولاتی نە. بگشتی برینداربوون ئافرەت و سنێلە و زەلام بووینە، برینێن وان ژی هەمی سەر شکاندن و پێ برینداربوون جهێن دی بوون، هەمی برینداربوون ژی ب دار و بەران بوویە چ ژوان برینداران ب تەلقا نەبووینە، برینێن وان دسڤکن تنێ سێ برینداران برینێن وان دگرانن و چارەسەری بۆ هەمیان هاتیەکرن و هندەک رەوانەی مال کرینە و هندەک ژی ل بن چاڤدێریا نوشدارانە ل نەخۆشخانێ.

تیمێن ساخلەمیا ئاکرێ یێن بنگەهێ بجیل و کەلاتێ گەهشتە جهێ بوویەرێ و برینێن سڤک چارەکرن و یێن پێدڤی نەخۆشخانێ ژی رەوانەی هەوارهاتنا ئاکرێ کرن داکو چارەسەریێ بۆ بکەن.

سەباح زوهێر

راگەهاندنا رێڤەبەریا ساخلەمیا ئاکرێ