كەسوكاری كرێكارە كوژراوەكەی بەنزینخانەیەكی چەمچەماڵ گردبونەوە

21/08/2019 - 10:35 بڵاوکراوەتەوە لە هەواڵ/كوردستانی

 


ئەمڕۆ چوار شەممە بەشێك لە كەسوكاری كرێكارە كوژراوەكەی بەنزینخانەیەكی چەمچەمەڵ گردبونەوەو داوایان لە حكومەتی هەرێم كرد بڕیاری لە سێدارەدان بۆ بكوژی كوڕەكەیان دەربكەن.


سەرلەبەیانی ئەمڕۆ چوار شەممە 21-8-2019، ژمارەیەك لە كەسوكاری زانا كامیل ئەو كرێكارەی بەنزینخانەیەكی چەمچەماڵ كە لەكاتی كاركرندا لەلایەن گەنجێكەوە كوژرا، گردبونەوەو داوای بە ئەنجامدانی سزایی لە سێدارەدان بۆ بكوژەكە دەكەن.


كەسوكاری ئەو كوژراوە ڕایانگەیاند: ئێمە كێشەمان لەگەڵ كەس نییە و كوڕەكەمان بە ناهەق كوژراوە و داوا دەكەین یاسا سەروەربێت و دەستێوەردانی تێدا نەكرێت، چونكە تاوانەكە هێندە گەورەیە هەموو سنورەكانی بەزاندووە و شایەنی لێخۆشبوون نییە.


جێگەی ئاماژەبۆكردنە شەوی یەكشەممەی ڕابردوو زانا كامیل كارمەندی بەنزینخانەیەك لە چەمچەماڵ لەلایەن گەنجێكی دیكەوە كە ماتۆڕسكیلێكی پێ بووە بە چەكی جۆری دەمانچە كوژرا.