سەرۆكایەتی شارەوانی هەڵەبجە ڕونكردنەوەیەكی لەسەر نەوەی نوێ بڵاوكردەوە

25/08/2019 - 10:38 بڵاوکراوەتەوە لە هەواڵ/كوردستانی

 

كوێستان ئەكرم فەرەج سەرۆكی شارەوانی هەڵەبجە لە ڕاگەیەندراوێكدا كەوێنەیەكی دەست كوردیو كەوتوە ڕایگەیاند: ماوەیەكە نەوەی نوێ بەناوی پڕكردنەوەی چاڵی شەقامەكان لەچەواشەكردنی هاوڵاتیان بەردەوامن و وەك موزایەدەیەكی سیاسی بۆچەواشەكاری هاوشاریانمان هاوكاری و پلانەكانی ئێمەیان ڕەتكردەوە.

 

دەقی ڕاگەیەندراوەكەی سەرۆكی شارەوانی هەڵەبجە:

ڕونكردنەوەیەك لەبەڕێز سەرۆكی شارەوانی هەڵەبجە بۆڕای گشتی سەبارەت بە كارەكانی نەوەی نوێ لەهەڵەبجە
هاوشاریانی خۆشەویست ماوەیەكە نەوەی نوێ بەناوی پڕكردنەوەی چاڵی شەقامەكان لەچەواشەكردنی هاوڵاتیان بەردەوامن بۆبەرچاو ڕونی هاوڵاتی خۆشەویست پێمان باشە ئەم ڕونكردنەوەیە بخەینەڕوو ،ئەوبەڕێزانە چەند ڕۆژپێش دەستپێكردنی كارەكانیان سەردانی شارەوانیان كرد و ئێمەش دوای پێشوازی گەرم ئامادەیمان بۆ دەربڕین كەكارئاسانیان بۆبكەین لە هەڵمەتی چاككردنی چاڵی شەقامەكان بەڵام دواتر بێ گەڕانەوە بۆبەشی هونەری دەستیان بە كاركرد وەك سەرۆكایەتی شارەوانی بانگی ئەو ستافە بەڕێزەمانكرد تا كارئاسانیان بۆ بكەین بەڵام گوێیان نەدا بەبانگهێشتەكەمان پلان و هاوكارییەكانی بەشی هونەری شارەوانیان بەهەند وەرنەگرت و سەربەخۆیانە دەستیان بە پڕكردنەوەكرد دواتر شارەوانی پلانی خۆی پێدان بەڵام هیچ سودی نەبوو تەنها وەك موزایەدەیەكی سیاسی بۆچەواشەكاری هاوشاریانمان هاوكاری و پلانەكانی ئێمەیان ڕەتكردەوە ،هاوشاریانی بەڕێز دڵنیا دەكەینەوە لەپێناو جوانكردن و سەوزكردن وئاوەدانی زیاتری هەڵەبجە هەركەسێك دەستی هاوكاری درێژبكات دەستی دەگوشین لەدوای بوونم بەسەرۆكی شارەوانی هەڵەبجە سەردانی چەند كەسی دیارو وەبەرهێنم كردوە لەپێناو ئەوەی لایەكی ئاوەدانی زیاتر‌بۆ هەڵەبجە بكرێتەوە لەو بەڕێزانە سەردانمانكردون بەڕێز (شاسوار عبدالواحید)بوو كە ئەوكات خاوەنی كۆمپانیای نالیابوو دوای سەردانم پێی ڕاگەیاندم تائێستا هەڵەبجەم نەبینیوە !هەرچەند لای من جێی تێڕامان بوو چۆن وەبەرهێنێك سەردانی شارێكی وەك هەڵەبجەی نەكردووە !بۆیەمنیش بانگهێشتم كردو بەسپاسەوە لەمانگی حوزەیرانی ساڵی ۲۰۱٦سەردانی هەڵەبجەی كردو لەسەرداوای خۆی هیچ كەناڵێكی بینراو نوسراو و بیستراو بانگ نەكرا پێكەوەبەهەڵەبجەدا گەڕاین و داوای كردپرۆژەیەك لەهەڵەبجە بكات پاشان چەند پرۆژەیەكمان بۆ ئامادەكرد بەڵێنی دا یەكێك لەو پرۆژانە بخاتە بەرنامەی كاری خۆی بۆ جێ بەجێكردنی بەڵام بەداخەوە نەك ئەو پرۆژەیە هیچ پرۆژەیەكی جێبەجێنەكرد ،بۆیە زۆر ڕونە ئەمەی كەئێستا دەكرێت تەنها موزایەدەیەكی سیاسیە و هیچی تر نییە هاوڵاتی هەڵەبجە زۆر لەوە گەورەترە موزایەدەی سیاسی بەسەرە وە بكرێت پێویستە خزمەت بكرێت چونكە هەرچی بۆ هەڵەبجە بكرێت ناگاتەئاستی یەك چركە لە ئەوتاونە گەورەی بەسەریدا هات خەمی گەورەی ئێمە ئاوەدانیە تموحمان پڕكردنەوەی چاڵ و چۆڵ نییە تیمی شارەوانیمان سەردانی سەرجەم كۆڵان و شەقامەكانی كردوەو بەدەرخستەی تایبەت لەكابینەی هەشت دراوە بە وەزارەتی شارەوانی قەیرانی دارایی ڕێگرە لەدەستپێكردنەوەی پڕۆژەكان بەئومێدین هەمومان بۆ جوانی و ئاوەدانی شار هاوكاری یەك بین
لەگەڵ ڕێزو حۆشەویستیم بۆ هاوشاریانم ،
كوێستان اكرم فرج
سەرۆكی شارەوانی هەڵەبجە
۲۰۱۹/۸/۲٤