ئەوقاف بەیاننامەیەکی لەبارەی گرتە ڤیدیۆیەک بڵاو کردەوە

25/08/2019 - 17:54 بڵاوکراوەتەوە لە هەواڵ/كوردستانی

وەزارەتی ئەوقاف و کاروباری ئایینی بەیاننامەیەکی لەبارەی بڵاوبوونەوەی گرتە ڤیدیۆک لە تۆڕە کۆمەڵایەتییەکان دەرکرد کە تێیدا لەلایەن دوو کەسەوە بێڕێزی بە ھەندێ نووسراوی ئایینی دەکەن کە لەسەر ڕێگایەک دانراوە.

 

بەپێی بەیاننامەکەی وەزارەتی ئەوقاف کە وێنەیەکی دەست كوردیو  گەیشتووە و تێیدا بڵاو کراوەتەوە، "لەدوو ڕۆژی رابردوو ڤیدیۆیەک لەتۆرە کۆمەڵایەتییەکان بڵاوبووەتەوە تیایدا دوو کەسی نابەرپرس و دوور لەھەموو ئادابێکی ئایینی کۆمەڵایەتی مرۆڤی، بێ ڕێزی بە ھەندێ نووسراوی ئایینی دەکەن کەلەسەر ڕێگایەک دانراوە".

ڕوونیشکراوەتەوە، "گەرچی کەسەکان و شوێنەکە نەزانراوە کوێیە، بەڵام لەگەڵ ئەوەشدا ئێمە لەوەزارەتی ئەوقاف و کاروباری ئایینی بەتوندی ئیدانەی ئەو جۆرە کردەوە تێکدەرانە دەکەین کەئاشتی کۆمەڵایەتیی تێک دەدەن، بۆیە ئەرکی ھەموو ھاونیشتیمانییەکە بەبێ جیاوازی کە ھەر زانیارییەکیان ھەیە دەربارەی بکەرانی ئەم رووداوە ئاگاداری ئێمە وەک وەزارەت بکەنەوە تاوەکو لەڕێگەی یاساوە مامەڵەیان لەگەڵدا بکەین".

هەروەها وەزارەتی ئەوقاف داوا لەسەرجەم دەزگا ئەمنییەکانی کوردستان دەکات تاوانباران بدۆزنەوە و بەسزایی خۆیانیان بگەیەنن، ھاووڵاتییانی کوردستانیش دڵنیا دەکەنەوە کە کاری لەپێشینەی وەزارەتی ئەوقاف و کاروباری ئایینی پاراستنی ئاشتی کۆمەڵایەتی پێکەوەژیانی ھەموو لایەکە بەڕێوەبەرایەتی یاسایی راسپێردراوە ڕێکاری پێویست ئەنجام دەدات.