دابەشكردنی ئاوی پارێزگایەك ڕادەگیرێت، داوا دەكرێت بەكارهێنانی ئاو كەم بكرێتەوە

03/09/2019 - 10:14 بڵاوکراوەتەوە لە هەواڵ/كوردستانی

 

بەڕێوەبەرایەتی ئاوی سلێمانی ڕایدەگەیەنێـت: ڕۆژی پێنج شەممە دابەشكردنی ئاو شاری سلێمانی و چەمچەماڵ و شۆڕش و تەكییە و حەوزی بازیان دەوەستێت.


بەڕێوەبەرایەتی ئاوی سلێمانی لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: ئاگاداری هاووڵاتیانی شاری سلێمانی و چەمچەماڵ و شۆڕش و تەكییە و حەوزی بازیان دەكەین كە ڕۆژی پێنج شەممە بەرواری ٥- ۹ -۲٠۱۹ بۆماوەی ۱۲ كاتژمێر دابەشكردنی ئاو دەوەستێت لە پڕۆژەی ئاوی دوكان سلێمانی.


هەروەها ئەوەشی خستەڕوو: ڕاگرتنی ئاو بەهۆی ڕاگرتنی كارەبای ۳۳ كەیڤی تاسلوجە لەلایەن بەڕێوبەرایەتی چاككردنی وێستگەكانی كارەباوە بەمەبەستی كاری چاككردن بۆیەداوا لەهاووڵاتیان دەكەین كە بەكارهێنانی ئاو كەم بكەنەوە تا گرفتی بێ ئاو بوون ڕوو نەدات.