هۆشداری دەدرێتە خانمان، جۆرە ماكیاژێكدا زیان دەگەیەنێت

11/09/2019 - 11:58 بڵاوکراوەتەوە لە هەواڵ/كوردستانی


بەهۆی فێڵكردن و گرانفرۆشی تیایدا، لیژنەهاوبەشەكانی قائیمقامیەتی سلێمانی دەست بەسەر جۆرە ماكیاژێكدا دەگرن زیان بەپێستی خانمان دەگەیەنێت، شوێنەكە دادەخرێت و خاوەنەكەشی روبەروی رێكاری یاسایی دەكرێتەوە.

 

لیژنەهاوبەشەكانی قائیمقامیەتی سلێمانی لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: لەلایەن لیژنەی سێی سەربەلیژنە هاوبەشەكانی قائیمقامیەتی سلێمانیەوە و لە پێشانگای زانیار دەست بەسەر جۆرە ماكیاژێكی جوانكاری خانماندا گیراوە بەهۆی فێڵكردن و گرانفرۆشی شوێنەكە دادەخەن، لەروی تەندروستیشەوە بەركەوتنی بە روناكی ماكیاژەكە زیان بە پێستی خانمان دەگەیەنێت.


پێشانگای زانیار لە كاسۆمۆڵ ئەوجۆرە ماكیاژە كەلەبازاڕ پێی دەوترێت (ئەساس) كردۆتە ناو تیوبێكی شوشە و بەلەزگەیەكی چاپكراو كردویەتی بە ماكیاژێكی ماركە و بەنرخێكی (25) هەزار دینار بە خانمانی فرۆشتووە، لەكاتێكدا نرخە راستەقینەكەی خۆی تەنها سێ هەزار دینارە، ئەمەش فێڵی بازرگانی (غش تجاری)یە و یاسا سزای خۆی بۆ ئەنجامدەرانی دیاریكردووە.


لەروی تەندروستیشەوە، بۆ ئەوەی كارلێك لەنێوان پێكهاتەی ماكیاژەكە لەگەڵ روناكی روونەدات كۆمپانیای بەرهەمهێنەر ماكیاژەكە كردوەتە ناو دەفرێكی رەنگ رەشەوه تازیان بە بەكارهێنەرانی نەگەیەنێت‌ بەڵام بەهۆی كردنە ناو تیوبێكی شوشەوە لەلایەن خاوەنی پێشانگای زانیار ئۆكسان رودەدات و پێستی خانمان توشی حەساسیەت، پەڵە، زیپكە و سوربوونەوە دەكات و زیان بە تەندروستیان دەگەیەنێت.


بەفەرمانی قائیمقامی سلێمانی و لەلایەن لیژنەهاوبەشەكانەوە پێشانگای زانیار دادەخرێت و خاوەنەكەشی روبەروی رێكاری یاسایی دەكرێتەوه.

 

ئەلبوومی وێنەکان