كاتی هاتنەوەی ناوی خوێندكاران بۆ زانكۆ و پەیمانگاكان ئاشكراكرا

08/10/2019 - 10:34 بڵاوکراوەتەوە لە هەواڵ/كوردستانی

سەرچاوەیەكی باڵا لە وەزارەتی خوێندنی باڵا و توێژینەوەی زانستی هەرێم كاتی هاتنەوەی ناوی خوێندكارانی بۆ زانكۆ و پەیمانگاكان ئاشكراكرد.

 

ماڵپه‌ری خه‌ڵك له‌زاری سەرچاوەیەكی باڵا لە وەزارەتی خوێندنی باڵا و توێژینەوەی زانستی هەرێم بڵاویكردۆته‌وه‌، 52 هەزار خوێندكاری دەچووی 12ی ئامادەیی بەهەموو بەشەكانیەوە دواكارییان بۆ وەرگرتن لە زانكۆ و پەیمانگاكان پێشكەش كردووە.

 

ئاماژه‌ی به‌وه‌ش كردوه‌: خوێندنی باڵا هەوڵی ئەوە دەدات بە شێوەیەكی خێراتر لە ساڵانی پێشوو خوێندكاران لە زانكۆ و پەیمانگاكان وەربگیرێن و دەست بە پڕۆسەی خوێندن بكەن.

 

وتویه‌تیشی: لەم هەفتەیەدا ناوی خوێندكارە وەرگیراوەكان ئاشكرادە كرێت و ئەوەی هەیە ئێستا كاركردن لە سیستەمەكە تەنها كاری هونەری ماوە.