گەرمیان... گەنجێك لە پرۆژەیەكی ئاوی كشتوكاڵیدا خنكا

09/10/2019 - 16:24 بڵاوکراوەتەوە لە هەواڵ/كوردستانی

 

بەڕێوەبەری ڕاگەیاندنی پۆلیسی گەرمیان ڕایدگەیەنێت: لە ناحییەی كوڵەجۆ گەنجێك بەناوی ( ئەیوب شاكر محمود) لەدایكبووی 2003 لەپرۆژەیەكی ئاوی كشتوكاڵدا خنكا و دوای گەڕان توانیان تەرمەكەی بدۆزنەوە.

 

علی جەمال قدووری بەڕێوەبەری ڕاگەیاندنی پۆلیسی گەرمیان لە ڕاگەیەنراوێكدا كەوێنەیەكی دەست كوردیو كەوتووە ڕایگەیاند: دوێنێ‌ شەو لەگوندی شێخ لەنگەر سەربە ناحییەی كوڵەجۆ گەنجێك بەناوی ( ئەیوب شاكر محمود) لەدایكبووی 2003 لەپرۆژەیەكی ئاوی كشتوكاڵدا خنكا دوای گەڕان تیمەكانی فریاكەوتن و غەواسی گەرمیان توانیان تەرمەكەی بدۆزنەوە.

 

ووتیشی: لەئێستادا بەمەبەستی توێكاری ڕەوانەی پزیشكی دادوەری قەزای كەلار كراوەو پۆلیسیش لێكۆڵینەوە لەهۆكاروچۆنێتی خنكانی ئەوگەنجەدەكات و لەئێستاشدا بەبڕیاری دادوەربەپێی مادەی 408 گەنجێك كە هاوڕێی ناوبراوبوەو لەكاتی ڕوداوەكە لەگەڵی بووە بەندكراوە.