"ڕێككەوتنی نێوان پارتی و یەكێتی لەسەر بیرە نەوت و وەزارەتە"

11/02/2019 - 13:14 بڵاوکراوەتەوە لە هەواڵ/كوردستانی

سكرتێری حزبی سۆسیالیست ڕایدەگەیەنێت: ئەو رێككەوتنانەی لەنێوان پارتی و یەكێتی هەیە لەسەر بیرە نەوت و وەزارەت و پەرلەمان و باڵیۆز و ئەوانەی ترە و زیاتر رێككەوتنەكان بۆ بەرژەوەندی حزبەكان خۆیانە.

محەمەد حاجی مەحمود سكرتێری حزبی سۆسیالیست ڕایگەیاند: ئەو رێككەوتنانەی لەنێوان پارتی و یەكێتی هەیە لەسەر بیرە نەوت و وەزارەت و پەرلەمان و باڵیۆز و ئەوانەی ترە و زیاتر رێككەوتنەكان بۆ بەرژەوەندی حزبەكان خۆیانە نەوەك یەكهەڵوێستی لەسەر پرسە نەتەوەیی و نیشتمانییەكان.

هەروەها ووتیشی: پێم وایە ئەم رێككەوتنە نوێیەی بڕیارە لە نێوان یەكێتی و پارتی ئەنجامی بدەن پەیوەندی بە متمانەی نێوانیانەوە ھەیە كە زیاتر بێ متمانەیی ھەیە لە نێوانیان و رەنگە بە نووسراو و واژۆ بگەنە ئەنجامێك تاوەكو ھیچ لایەكیان لە رێككەوتنەكە پەشیمان نەبنەوە.

 

محەمەد حاجی مەحمود كە بە ئاژانسی ئەنادۆڵی ڕایگەیاند، ئەوەشی خستەڕوو: پارتی دەیەوێت بزووتنەوەی گۆڕان ـ یش بهێنێتە ناو گفتوگۆ و دانوستانەكانەوە كە ئەوكات دەبنە سێ لایەن، بەڵام ئەم سێ لایەنە بەلای یەكێتی ـ یەوە قبوڵ نییە، وا دیارە لە دوایین كۆبوونەوەی نێوان ھەردوولا و بەپێی لێدوانەكانی خۆیان ھەندێك ھەنگاویان نابێت، بەڵام بەپێی لێدوانە جیاجیاكانی خۆیان دەردەكەوێت كە تا ئێستا ماویانە بگەنە رێككەوتن.

 

س ب