گرۆپێ پارێزه‌رێن خۆبه‌خش ل دهوكێ ئه‌وێ هاتییه پێكئینان بۆ به‌ره‌ڤانیكرن ژ ده‌سته‌سه‌ركریێن خۆنیشانده‌رێن دهوك و شێلادزێ لبارا داوی زانیاری لدور ره‌وشا وان كونگره‌یه‌كێ رۆژنامه‌ڤانی ئه‌نجامدا.
خه‌تاب عومه‌ر ئێك ژ پارێزه‌رێن خۆ به‌خش د كونگره‌یه‌كێ رۆژنامه‌ڤانیدا راگه‌هاند: كه‌یسا گرتیێن خۆنیشانده‌رێن شیلادزێ و خرڤه‌بوونا دهوكێ 25 كه‌س بوون 7 ژ وان ب كه‌فاله‌ت هاتینه ئازادكرن لگوره‌ی یاسایا هه‌ژماره 11 یا سالا 2010 یا خونیشاده‌ران هه‌ژمارا ئه‌وێن ماین 18 كه‌سن 13 ژ وان خۆنیشاده‌رێن ده‌ڤه‌را شێلادزێنه كو هاتینه ره‌وانه‌كرن بۆ دادگه‌ها دێره‌لوكێ و 5 ژ وان ژ خرفه‌بوویێن دهوكێنه ده‌سته سه‌ركرینه.
هه‌روه‌سا وی پارێزه‌ری ئه‌و یه‌ك ژی گوت: ئه‌و به‌ندێ یاسایی یێ ڤان 18 كه‌سێن ده‌سته‌سه‌ركری لگور یاسایا هه‌ژماره 156 یا یاسایا سزادانێن عیراقێنه كو سزایێن توندن ، گروپێ پاریزه‌رێن خۆبه‌خش تێبینی لسه‌ر ده‌سته‌سه‌ركرنا ڤان كه‌سا هه‌یه كو پتر ب سیاسی دهێته‌كرن و ژ ده‌رڤه‌ی كارێ یاسایی .
