حاكم قادر: یەكێتی هێزی تەحەدایە

20/02/2019 - 15:49 بڵاوکراوەتەوە لە هەواڵ/كوردستانی


كاردانەوەكانی یەكێتی لەبەرامبەر ڕێكەوتنی گۆڕان و پارتی و فەرامۆشكردنیان لە كاراكردنەوەی پەرلەماندا و ئەندامێكی مەكتەبی سیاسی ئەو حیزبەش ڕایدەگەیەنێت یەكێتی ڤیتۆی لەسەر كەس نیە و ڤیتۆش لەكەس قبوڵ ناكات، دوپاتیشی دەكات یەكێتی هێزی تەحەدا و نەسروتنە.


میایدای فەرمی یەكێتی بڵاویكردەوە، كە لە میانەی وتارێكیدا لە كۆبونەوەی فراوانی حیزبەكەیدا، حاكم قادر حەمەجان، ئەندامی دەستەی كارگێڕی مەكتەبی سیاسی یەكێتی ڕایگەیاندووە" یەكێتی ھێزی تەحەداو نەسرەوتنە".


حاكم قادر وتیشی" یەكێتی ڤیتۆی لەسەر كەس نەبووەو ڤیتۆش لە كەس قبوڵ ناكات، وتیشی: لەرێككەوتنەكەمان لەگەڵ پارتی باسی پلەو پۆست نەكراوەو ئامانج لە رێككەوتنەكەش بەرژەوەندیی خەڵك بووەو لە كۆبوونەوەكەشیاندا داوای حكومڕانییەكی رەشیدیان كردووە.

لەبارەی پرسی كەركوك، حاكم قادر دووپاتیكردەوە: دەبێت دۆسیەی كەركوك بەسازان بێت و لەسەر دۆسیەی كەركوك یەكێتی چەندین پێشنیاری پێشكەشكردووە.