‌ پۆلیسی ڕاپەڕین: لە ڕووداوێكی تەقەكردندا كوڕو باوكێك بوونەقوربانی

23/02/2019 - 20:44 بڵاوکراوەتەوە لە هەواڵ/كوردستانی

 

بەڕێوەبەرایەتی پۆلیسی ڕاپەڕین ڕایدەگەیەنێت: دوانیوەڕۆی ئەمڕۆ شەممە ڕوداوێكی تەقەركدن ڕویداو بەهۆیەوە باوك و كوڕێك بونەقوربانی.


بەڕێوەبەرایەتی پۆلیسی ڕاپەڕین لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: پاش نێوەڕۆی ئەمڕۆ شەممە كاتژمێر 4:30 خولەك لە كۆمەڵگای شكارتە سەر بە ناحیەی بێتواتە ـ قەزای ڕانیە دوو كەس بە چەكی جۆری (دەمانچە و كڵاشیكۆف ) بەهۆكارێكی نادیار تەقەیان لە كوڕو باوكێك كردوو هەردوكیان بریندار بوون.


هەروەها ئاماژەی بەوەشكرد: پاش بەڕێكردنیان بۆ نەخۆشخانەی گشتی ڕانیە و دوایی چارەسەری سەرەتایی باوكەكە بەناوی ( م . ئـ . م ) لەدایك بووی ساڵی 1969پیشەی كاسب بەهۆی سەختی برینەكەی لەڕێگای سلێمانی گیانی لەدەستداوە، كوڕەكەشی بەناوی ( ش . م . ئـ ) لە نەخۆشخانەی گشتی ڕانیە لە ژێر چاودێری پزیشكی دایە.

 

لە لاِاگەیەندراوەكەدا ئەوەش هاتووە: بەگوێرەی زانیاریە سەرەتایەكان ئەو كوڕ و باوكە لەگەڵ دوو كەسەكە بۆتە دەماقاڵەیان و پاشان ئەم ڕووداوەی لێكەوتۆتەوە، لە ڕووداوەكەشدا دەست بەسەر ئۆتۆمبێلێكی جۆری (پیك ئاپ)دا گیراوە كە تاوانەكەی پێ ئەنجام دراوە، هەردوو تۆمەتبارەكەش بۆ شوێنێكی نادیار هەڵاتون و هێزەكانمان لە هەوڵی دەسگیركردنیاندان.

 

 

 

س ب