رونكردنەوەیەك لە نووسینگەی وەزیری پێشووی وەزارەتی كاروكاروباری كۆمەڵایەتی

shko 20/03/2019 - 09:26 بڵاوکراوەتەوە لە هەواڵ/كوردستانی

شەوی رابردو (19_20_3-2019) لە بەرنامەیەكی كەناڵی ئێن ئار تی ، رۆژنامەنووسێك بەبێ بەڵگە تۆمەتێكی ئاراستەی وەزیری پێشووی وەزارەتی كار كردوە، گوایە بەبێ مۆڵەت فەرمانبەرێك دەستی بە خوێندن كردوە، ئێمە سەرلەبەری ئەو زانیاریە رەتدەكەینەوە.

هەر فەرمانبەرێك بۆ خوێندن یان بۆ كاری تایبەتی خۆی ، داوای مۆڵەتی كردبێت ، ئەوا بەپێی رێنمای كارپێكراوەكانی ئەنجومەنی وەزیران مامەڵەی لەگەڵ كراوە و هیچ فەرمانبەرێك بۆی نەبووە كە بەبێ مۆڵەت دەست بە خوێندن بكات.
هیوادارین رۆژنامەنووسان بۆ بازاڕگەرمكردنی خۆیان روو لە دروستكردنی تۆمەت نەكەن.

بەداخەوە ماوەیەكە رۆژنامەنووسە حزبیەكانی دەسەڵات بۆ پاككردنەوەی سیمای حزبەكانیان دەستیان داوەتە هەڵمەتێكی بەرنامە بۆ دارێژراو بۆ ئەو كەس و لایانانەی كە دەستێكی باڵایان هەبووە بۆ رووبەرووبونەوەی گەندەڵی و بنبڕكردنی دوو مووچە و فەرمانبەرانی بن دیوار.

نووسینگەی وەزیری پێشووی وەزارەتی كاروكاروباری كۆمەڵایەتی