لەم ناوچەیەی كوردستان بەهۆی باران و لافاوەوە مارێكی زۆر بڵاوبوونەتەوە

03/04/2019 - 08:49 بڵاوکراوەتەوە لە هەواڵ/كوردستانی

 

 

لە ناحیەی تەقتەقی سەر بە قەزای كۆیە بەهۆی بارانبارین و لافاوەوە ژمارەیەكی زۆر مار بڵاوبوونەتەوەو بەڕێوەبەری بنكەی تەندروستی ئەو شارۆچكەیەش روونكردنەوە دەدات.

(سامی سوارە رەحمان) بەڕێوەبەری مەڵبەندی تەندروستی شەهیدان لە تەقتەق رایگەیاندووە: بەهۆی بارانبارینی بەردەوام و دروستبوونی لافاوو بەرزبوونەوەی ئاستی ئاوی زێی بچووكەوە، ژمارەیەكی زۆر ماری گەورەو بچووك بڵاوبوونەتەوەو بەشێكیان زیندوون و ژەهراوین.

وتیشی: بەشێكی ئەو مارانە لەلایەن هاوڵاتیانەوە كوژراون و بەشێكیشیان هێشتا ماون و مەترسین، چونكە ماری گەورەو بچووكیان تێدایەو ژەهراوین.

ئەوەشی باسكرد: ساڵانە لەكاتی بەردەوامی بارانبارین و بەرزبوونەوەی لافاودا ئەو مارانە زیاد دەكەن، ئەمساڵیش بەشێكیان لە ناوچە گەشتیارییەكان گیرساونەتەوەو زۆربەیان لەلایەن خەڵكیەوە كوژراون.

لە بارەی ئامادەكارییەكانی بنكەكەیان بۆ لەناوبردنی ئەو مارانە، سامی سوارە بۆ وێستگە نیوز وتی: ئێمە وەك تیمەكانمان لە ئامادەباشیداین هەر ئەگەرێكی نەخوازراو.