فازڵ میرانی: تەنها لەگەڵ یەكێتی ڕێكەوتنمان ماوە

15/04/2019 - 15:38 بڵاوکراوەتەوە لە هەواڵ/كوردستانی


سكرتێری مەكتەبی سیاسی پارتی ڕایدەگەیەنێت ڕێكەوتنیان لەگەڵ گۆڕان كۆتایی هاتووە و تەنها ڕێكەوتن لەگەڵ یەكێتیدا ماوە بەتایبەت لەسەر پرسی سەرۆكایەتی هەرێم.


میدیای پارتی لە زاری فازڵ میرانی بڵاویكردۆتەوە ، بەمزووانە پرسی سەرۆكایەتی هەرێمی كوردستان لە نێوان لایەنەكان یەكلایی دەبێتەوە.

فازل میرانی وتیشی: " لەگەڵ گۆڕان رێككەوتنەكەمان تەواو كردووە و بەمنزیكانە لەگەڵ یەكێتیش تەواوی دەكەین ".


ئاماژەی بەوەش كرد لەگەڵ گۆڕان دانوستاندن و گفتوگۆمان لە بارەی بوونی جێگرانی سەرۆكی هەرێمی كوردستان بەردەوامە و دەبێ یەكتر رازی بكەین و بەرژەوەندییە حزبییەكان بخەینە دوای بەرژەوەندی میللەتەكەمان".


جەختیكردەوە: "ئەگەر لەگەڵ یەكێتی رێككەوتن واژۆ نەكەین، ئەدی چۆن ھەنگاوی دیكە بھاوێژین".