منداڵێكی تەمەن سێ ساڵ بە تەنها و لە دەشتێکى چۆڵدا شه‌وێك مایه‌وه‌وڕزگاریشی بوو

28/04/2019 - 13:54 بڵاوکراوەتەوە لە هەواڵ/كوردستانی

مندالێكی ته‌مه‌ن سێ ساڵ دوای ئه‌وه‌ی له‌ماڵ ده‌رده‌چێت و دواتر ڕێگا ون ده‌كات و شه‌و تابه‌یانی به‌ته‌نها له‌شوێنێكی تاریك و چۆل ماوه‌ته‌وه‌و دواتر هاوڵاتیه‌ك ده‌یدۆزێته‌وه‌.

خۆشەویست محەمەدی تەمەن سێ ساڵ ئێواره‌ی رۆژی 27-4-2019 لە ماڵ چووەتە دەرەوەو ون ده‌بیت ، کەسوکارەکەى و خەڵکی ناحیەی پیرەمەگرون لە قەزای دوکان و تەواوی دەزگا ئەمنییەکان بەدوایدا گەڕاون.

خۆشەویستی ته‌مه‌ن سێ ساڵ دوای ئه‌وه‌ی له‌مال ده‌رده‌چێت بە پاسکیل دواتر ڕێگە ون ده‌كات و لە ناحیەکە دورده‌كه‌وێته‌وه‌ تاوەکو گەیشتووەتە ناوچەیەکى کشتوکاڵی لە دەشتێکى نزیک ناحیەکە، تا بەیانى بەیانى  لەناو زەوییەکى چۆڵی بە گەنم چێنراودا ماوەتەوە و خەوتووە.

بەیانییەکەى هاوڵاتییەکى ناوچەکە دەچێتە سەر کشتوکاڵەکەى و  خۆشەویستی دۆزیوەتەوە.

خۆشه‌ویستی ته‌مه‌ن سێ ساڵ به‌گریانه‌وه‌ وتویه‌تی شه‌و لێربومه‌و سه‌رماشم نه‌بوه‌.

جێی باسه‌ تەواوی هاوڵاتیانى ناوچەكه‌  توشی شۆك بوون چۆن منداڵێکی تەمەن سێ ساڵ شەو لەو جێگەیەدا بووە و بە سەلامەتی ماوەتەوە.