ئەمینداری گشتی یەكگرتوو لەگەڵ ژمارەیەك زاناو كەسایەتی و پیاوماقوڵانی سۆران كۆبوویەوە

11/05/2019 - 08:32 بڵاوکراوەتەوە لە هەواڵ/كوردستانی

 

 

 

مەڵبەندی دووانزەی یەكگرتوو بە ئامادەبوونی ئەمینداری گشتی ئێوارە خوانێكی بۆ ژمارەیەك زاناو كەسایەتی و پیاوماقوڵانی سۆران سازكرد.

بە ئامانجی كۆبوونەوە لەسەر سفرەی برایەتی لە مانگی پیرۆزی رەمەزاندا، مامۆستا (سەڵاحەددین موحەمەد بەهائەددین) ئەمینداری گشتی یەكگرتووی ئیسلامی كوردستان پیرۆزبایی مانگی رەمەزانی لە ئامادەبووان كردو ئومێدی خواست ئەو مانگە ببێتە مایەی خێرو خۆشی بۆ موسڵمانان و لەخودا داواكاربوو كە رۆژوو و عیبادەتی هەموولایەك قبوڵ بكات.

لەبەشێكی تری وتەكانیدا ئەمینداری گشتی یەكگرتوو جەختی لەسەر پێكەوە ژیان و برایەتی نێوان موسڵمانان كردەوەو ئەوەی خستەڕوو كە لە ئێستادا هەرێمی كوردستان رووبەڕووی كۆمەڵێك تەحدی گەورە دەبێتەوەو پێویستە موسڵمانان رووبەروویان ببنەوەو كاریگەری جێبهێڵن لە پەروەردەكردن و درێغی نەكەن لە خزمەتكردن بە مەشروع و پڕۆژەی ئیسلامی بۆ ئەوەی كۆمەڵگەیەكی تەندروست و خزمەتگوزارو بۆ دین و ژین دروست ببێ.