زانیاری لەسەر دابەشكردنی موچەی مانكی سێ‌ ئاشكرابوو

21/05/2019 - 10:18 بڵاوکراوەتەوە لە هەواڵ/كوردستانی

گەنجینەكان داوا لە پەروەردەی سلێمانی دەكەن لیستی موچەی مانگی 3 ئامادە بكەن و بەرپرسێكی وەزراەتی دارایش دەڵێت: ئەگەر زۆرە چەند وەزارەتێك پێش جەژنی ڕەمەزان موچە وەربگرن.

شلێر عەلی محەمەد، لێپرسراوی ژمێریاریی ئامادەیی و پشەییەكان لەبەڕێوەبەرایەتی پەروەردەی رۆژئاوای سلێمانی، راگەیاند: ئەمڕۆ 20ی 5ی 2019 ئاگادار كراینەوە كە لیستی موچەی مانگی (3) بەپەلە ئامادە بكرێت، گوایە پێش جەژن دابەشدەكرێت، بۆیە لەئێستادا لیستی موچەكەمان تەواوكردووە.

بەرپرسێكی وەزارەتی دارایش زانیاری ئەوەی ئاشكراكردووە ، كە وەزارەتەكەیان هەوڵدەدات بەشێك لە وەزارەتەكان پێش جەژن موچەی مانگی 3ی 2019 وەرگرن.

ئەو بەرپرسە دەشڵێت، چەند پارە لەبەردەستدابێت ئەوەندە وەزارەت موچەكانیان بۆ خەرج دەكرێت.