وێنەكەی ببینە، جۆرە نەخۆشیەك لەماسیدا دەردەكەوێت، دەگوازرێتەوە بۆ مرۆڤ

12/06/2019 - 11:32 بڵاوکراوەتەوە لە هەواڵ/كوردستانی

كوشتارگەی نوێی سلێمانی ڕایدەگەیەنێت: جۆرە نەخۆشیەك لە ماسیدا دەركەوتوەو پێدەچێت بە قۆناغێك لەقۆناغەكانی ژیانی مشەخۆریدا تێپەڕی بێت .


كوشتارگەی نوێی سلێمانی لەلاپەڕەی خۆی لەتۆڕی كۆمەڵایەتی فەیسبوك نوسیویەتی: ئاگاداریەك بۆ ئەو كەسانەی كە خولیایی ڕاوكردنی ماسین ، هاوڵاتیەك ماسیەكی لەچەمی باسەڕە لەدێلێژە ڕاو كردوە كەتووشبوون بەنەخۆشی و وێنەكەی بۆ ناردووین، بەگوێرەی وێنەكەش پێدەچێت تووشبووبن بە قۆناغێك لەقۆناغەكانی ژیانی مشەخۆرێك.


هەروەها ئەوەشی خستەڕوو: پێدەچێت ئەو نەخۆشیە گوازراوە بێت بۆ مرۆڤ ، تا دڵنیا دەبین لەجۆرەكەی پاش لێكۆڵینەوە لەكاتی بینینی ئەو جۆرە نەخۆشیە ئاگادارمان بكەنەوە لەبوونی.


كوشتارگەی نوێی سلێمانی ئاماژەی بەوەشكرد: حاڵەتەكە مەبەستمان لەو پەڵە ڕەشانە نیە ئەوە ئاسایەو زۆرینەی كات خوێنی مەیوو یان خوێن بەربونە ، ئێمە مەبەستمان دەنكە سپیە برنجیەكەیە كەلەناو ماسولكەكانیەتی.

 

س ب

 

ئەلبوومی وێنەکان