ل ناحیەکا سەر ب پارێزگەها دهوکێ خوپیشاندانە

12/06/2019 - 15:38 بڵاوکراوەتەوە لە هەواڵ/كوردستانی

وەلاتیێن ناحیا چەمانکێ یا سەر ب پارێزگەها دهوکێ ڤە، خوەنیشاندانەک ئەنجامدا، دژی بەردەوامبوونا توپبارانکرنا سوپایێ تورکیا وھەبوونا بنگەھـ و بارەگایێن پەکەکێ، دخوازن بوردومان بھێنە راگرتن و قەرەبویا خەلکی ژی بھێتەکرن.

 

خوەنیشاندەران کو پێکھاتبوون ژ زەلام و ژن و گەنج و زاروکان ب ھەلگرتنا چەندین دروشمان نەرازیبونا خوە ھەمبەری بەردەوامبوونا بوردومانان بو سەر گوندەوارێن وان و شەھید و بریندارکرنا وەلاتیێن سڤێل ل سنوورێ قەزا ئامێدیێ و چەمانکێ بۆ چەند دەمژمێرا یا بەردەوام بوو.

 

دخوەنیشاندانێ دا بەیاننامەیەک ھاتە خواندن و تێدا زێدەباری داخوازیا راگرتنا بوردۆمان و دورکەفتنا پەکەکێ ل گوندەوارێن وان، ھەڤدەم خواست کو حوکمەتا ھەرێم و عیراقێ ژی بھێنە سەر خەت و قەرەبویا وەلاتیێن زیانڤێکەفتی ژی بکەن.