كەسێكی موسڵاوی لە هەولێر دەستگیر دەكرێت و بازرگانی مادەی هۆشبەر بووە

12/06/2019 - 15:52 بڵاوکراوەتەوە لە هەواڵ/كوردستانی

لە راگەیاندراوێكدا راگەیاندنی ئاسایشی هەولێرئاشكرای دەكات ،كەسێك، خەڵکی شاری موسڵە، بازرگانی مادەی هۆشبەر بووە ،لەگەڵ  زیاتر لە چوار کیلۆ ماددەی هۆشبەر لە جۆری هیرۆین دەستگیر كردوە .

 ئەمەی خوارەوە دەقی راگەیاندراوەكەیە 

ڕاگەیاندراوێک لە بەڕێوەبەرایەتیی ئاسایشی هەولێر

 لە درێژەی چالاکییەکانماندا بۆ ڕووبەڕووبوونەوەی تاوانکاران، پاش چاودێریکردنی گومانلێکراوێکی بازرگانی ماددەی هۆشبەر، لە ٢٨ی ٥ی ٢٠١٩، مەفرەزەکانمان توانییان تۆمەتبار (ا.غ.ج.م) کە خەڵکی شاری مووسڵە بە بڕی چوار کیلۆ و سەد گرام ماددەی هیرۆیین لە شاری هەولێرەوە دەستگیر بکەن کە لە مووسڵەوە هێنابووی.

 تۆمەتبار بە ماددەی ١٤ی مخدرات ڕاگیراوە و لێکۆڵینەوە لەگەڵ بەردەوامە و ڕێوشوێنی یاسایی بەرامبەری گیراوەتە بەر.

 لێرەدا هاووڵاتییانی ئازیز ئاگادار دەکەینەوە کەوا هەمیشە لە ئامادەباشیدابن بۆ ڕووبەڕووبوونەوەی تاوانکاران و داوا لە هاووڵاتییان دەکەین لە کاتی بوونی هەر زانیارییەک لەسەر کەسانی گوماناوی و تاوانبار، بە زووترین کات بنکە و بارەگاکانی ئاسایش ئاگادار بکەنەوە.

 ڕاگەیاندنی ئاسایشی هەولێر