سلێمانی... بەهۆی پاشەڕۆی سەیرانكارانەوە بەشێك لە گەڕەكەكان بێ ئاودەبن

16/06/2019 - 13:23 بڵاوکراوەتەوە لە هەواڵ/كوردستانی

 

بەڕێوەبەرایەتی ئاوی سلێمانی ڕایدەگەیەنێت: بەهۆی كۆبونەوەی لم و پاشەڕۆی سەیرانكاران بۆ ماوەی 48 كاتژمێر بەشێك لەگەڕەكەكانی سلێمانی بێ ئاو دەبن.


بەڕێوەبەرایەتی ئاوی سلێمانی لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: بەهۆی كۆبونەوەی لم و پاشەڕۆی سەیرانكاران لە وەرگری هێڵی دووەمی ئاوی دوكان سلێمانی بۆ ماوەی ٤٨سەعات كاركردن تێداو پاكردنەوەی وەرگری پڕۆژەكە هێڵی دووی ئاوی دوكان سلێمانی دەوەستێت.


هەروەها ئاماژەی بەوەشكرد: بەوهۆیەشەوە گەڕەكەكانی سەروو و ڕۆژهەڵاتی سلێمانی و تەواوی ناوچەی قڕگە و خەبات و كازیوە و قەزاو ناحیەكانی چەمچەمەڵ و شۆڕش و پیرەمەگروون و بازیان و تەسلوجە و گۆپاڵە ئاویان نابێت تكایە ئاگاداربن .