لە هەولێر لەسەر موچەی فەرمانبەران سكاڵا تۆمار كرا

16/06/2019 - 14:29 بڵاوکراوەتەوە لە هەواڵ/كوردستانی

دوای ئەوەی لەچەند رۆژی رابردوو لەشاری بەغدا چەند پەرلەمانتارێك لەسەر موچەی فەرمانبەران سكاڵایان تۆمار كرد، ئەمرۆ لەشاری هەولێر بەهەمان شێوە سكاڵا تۆمار كرا و پەرلەمانتارێكی كوردستان ئاشكرای دەكات، لەفەرمانگەی دادنوسی ھەولێر ڕێوشوێنە یاساییەكانم لەدژی حكومەتی ھەرێم دەستپێكرد، تایبەت بە گەڕاندنەوەی سێ مووچەی فەرمانبەرانی ھەرێم بدات، چونكە ئەوەی كراوە پێچەوانەی یاسای بودجەی (2019)ی عێراقە.

كاوە عەبدولقادر ئەندامی پەرلەمانی كوردستان رایگەیاند: ئەمڕۆ یەكشەممە بەفەرمی ڕێوشوێنی یاسایم لە دژی حكومەتی ھەرێم گرتەبەر، بۆ گێڕاندنەوەی مووچەی سێ مانگی خوراوی فەرمانبەران، لەفەرمانگەی دادنوسی ھەولێر ڕێوشوێنە یاساییەكانم دەستپێكرد.

ئەوەشی ئاشكرا كردوە، ئەوەی حكومەتی هەرێم كردوویەتی پێچەوانەی یاسای بودجەی (2019)ی عێراقە كە پێویستە ھەرێم پێوەی پابەند بێت، ئەوەشمان ڕوونكردۆتەوە كە پێنەدانی مووچەی ئەو سێ مانگەی ساڵی (2019) بە فەرمانبەران نایاساییەو ناكرێت پارە بە ناوی موچەی فەرمانبەران لەبەغداوە بنێردرێت و ئەوان بە شتێكی ترەوە خەرجی بكەن و مافی بنەڕەتی فەرمانبەران پێشێل بكەن.

ئەوەشی بۆدوا رۆژ ئاشكرا كردوە، ئەگەر لەو ماوەیەی دیاریكراوە، حكومەتی هەرێم گوێی لە ھۆشدارییەكە نەگرت و مافی فەرمانبەرانی نەگەڕاندەوە، ئەوا ڕیكارە یاساییەكانی تر دەست پێدەكەین و لە دادگای ئیداری سكاڵای لەسەر تۆمار دەكەین.

 

ئەلبوومی وێنەکان