ئاگاداربن ئەم بەرنامەیە بەكارمەهێنن، مەترسیت لەسەر دروست دەكات

15/07/2019 - 09:42 بڵاوکراوەتەوە لە هەواڵ/تەكنەلۆژی

شارەزایانی بواری تۆڕی كۆمەڵایەتی فەیسبوك هۆشداری لەسەر بەكارهێنانی بەرنامەی Face App دەدەن و ڕایدەگەیەنن: لەڕێگەی بەرنامەكەوە زانیارییە تایبەتیەكانی بەكارهێنەر دەدرزێت.

 

لەدوای ئەوەی لە ماوەی ڕابردوودا بەرنامەی Face App بەشی تایبەت بە پیرپیشاندانی بەكارهێنەرانی چالاككرا، بەپێی وتەی شارەزایانی بواری تۆڕی كۆمەڵایەتی فەیسبوك، لەڕێگای ئەو بەرنامەیەوە دەتوانرێت زانیارییە تایبەتیەكانی خوازیار دزەی پێ بكرێت.

 

بەشێك لە شارەزایانی بواری تۆڕی كۆمەڵایەتی فەیسبوك چۆنیەنی دزەپێكردنی زانیارییە تایبەتیەكانی بەكارهێنەران ئاشكرا دەكەن و ئەوە دەخەنەڕوو: لەكاتی چالاكیەكەدا پێویستە خوازیار ڕێگە بە بەرنامەكە بدات بچێتە ناو ئەو كۆمپیوتەرە یاخود مۆبایلەكە كە بەكاری دەهێنێت و لەكاتی چونەناوەوەیدا وێنەو ڤیدیۆ و سەرجەم بابەتە هەڵگیراوەكانی ناو موبایلەكە و بەو ڕێگایە دزەی پێدەكرێت و بەكارهێنەر بێ ئەوەی ئاگاداربێت لەوەی بەرنامەكە چ ئامانجێك دەپێكێت.

 

هەروەها بەشێك لە شارەزایانی بواری تۆڕی كۆمەڵایەتی فەیسبوك ئەوەش دەخەنەڕوو: دەكرێت لەڕێگەی ئەو بەنامەو بەرنامە هاوجۆرەكانیانەوە دەستبگات بە تۆڕەكۆمەڵایەتیەكان و ئیمێڵ و ئەو زیانیاریانەی كە تێیدا ئاڵوگۆڕكراوە.

 

جێگەی ئاماژەبۆكردنە بەرنامەی Face App تایبەتە بە گۆڕینی روخساری گەنج بۆ پیر وە لەپیرییەوە ڕوخسار دەگۆڕێت بۆ گەنج و ڕۆژانە 700 هەزار كەس بەرنامەكە بەكاردەهێنن و لەئێستاشدا لەهەرێمی كوردستان بەشێوەیەكی بەربڵاوبەرنامەكە بەكاردەهێنن.