هواوی چینی مۆبایلێك دروست دەكات، دەچەمێتەوە

29/01/2019 - 10:16 بڵاوکراوەتەوە لە هەواڵ/تەكنەلۆژی

 

 

مانگی داهاتوو كۆنگرەیەكی گەورە لە شاری بەرشەلۆنەی ئیسپانیا بەرێوەدەچێت كە تایبەت دەبێت بە مۆبایل، ماوەیەكی زۆرە كۆمپانیا گەورەكانی بواری دروست كردنی سمارت فۆن خۆیان بۆ ئەو كۆنگرەیە ئامادە كردووە.

دوای ئەوەی ئێل جی ئەو مۆبایلەی ئاشكرا كرد كە بەشداری لە كۆنگرەكەدا دەكات، هواوی چینیش ڕایگەیاند، سمارت فۆنێكی نوێ لەو كۆنگرەیەدا نمایش دەكات كە شاشەكەی توانای چەمانەوەی هەیە.

(ریتچارد یو) بەڕێوەبەری جێبەجێكاری كۆمپانیای هواوی چینی لە كۆنگرەیەكی ڕۆژنامەوانیدا لە شاری بەیجینی چین یەكەم سمارت فۆنی كۆمپانیاكەی ئاشكرا كرد كە پێنج جییەو شاشەكەی توانای چەمانەوەی هەیە.

بەڕێوەبەری جێبەجێكاری هواوی زانیاری زیاتری لەبارەی سمارت فۆنەكەوە ئاشكرا نەكردووەو بڕیاریشە بۆ یەكەم جار ئەو مۆبایلە مانگی داهاتوو لە كۆنگرەیەكی تایبەتدا لە بەرشەلۆنە نمایش بكرێت.

 

 

ئـ . كـ