یەكگرتوو ...گۆڕانكاریی بەردەوام... بەشی دووەم



گۆڕانكارییەكی تر لەكاری سیاسی یەكگرتوودا ئەوە بوو كە لەكاریگەریی خەباتی ژێرزەمینی و نهێنی دەرچوون ، نموونەیەكی تر و داهێنانێكی باشتریان هێنایە كایەی سیاسی كوردستان، كە لەڕێی دەستنیشانكردنی وتەبێژێك ، رۆژی دووجار پرێس كۆنفراس بۆ هەموو میدیاكان سازئەكرا و ڕووداوەكانی كۆنگرە ئاشكرا ئەكران..


هەر لەهەمان كۆنگرەدا و لەسەربنەمای بڕوا بەخۆبوونی تەواودا ؛ سپێدە و میدیاكارانی یەكگرتوو، راستەوخۆ چەنین دیمەنی ناوەوەی كۆنگرەیان پەخش دەكرد ، بەتایبەتی كێبڕكێ لەسەر پۆستی ئەمیندار ، ئەو رووداوەی كە هاوشێوەی یاری كۆتایی پاڵەوانانی ئەروپا، تا بەرەبەیان ، هەزاران كەس بەدیار سپێدەوە موتابەعەی هەڵبژاردنەكان و دەرچوونی مامۆستا محمد فەرەج و مەراسیمی رادەستكردنی دەسەڵات وپەیڕە و پرۆگرام و ئاڵای یەكگرتوویان دەكرد لەنێوان ئەمینداری دەستلەكاركێشاوە و ئەمینداری براوە لەناو چوار كاندیدا....
یەكگرتوو رەقەمێكی قورسە لە كایەی سیاسی كوردستانیدا ، ئەگەرچی فتبۆڵێن بەگۆڵ ئەبرێتەوە ، یەكگرتوو توانیوویەتی دە كورسی بباتەوە ، بەڵام سەنگ و بارستایی یەگرتوو لە دەنگ و كورسیەكانی زۆرترن ...یاریزانەكانیان بەتوانان ، قاعیدەیەكی دڵسۆزیان هەیە ، بەڵام بەرانبەكانیان بێویژدانن ، حەكەمەكانیش تەرەفدارن ...زەمینەی كێبەركێ لارە سەنگە ، سەیرەكە لەوەدایە خەڵكی بایی دە كورسی دەنگیان پێئەدەن ،كەچی گلەیی ئەكەن بۆ بەڕە لەژێر پێی پارتی و یەكێتی دەرناهێن ...
گۆڕانكاریی كوردستان و عێراق و ناوچەكە ، چاوەڕوانیی خەڵكیی لەیەكگرتوو ، بازاڕی بەشێكی بەرچاو لە میدیاكانی گەرمكردووە ..ئەمجارەیان جیاوازتر لەجارەكانی تر ، بەر لەكۆنگرە چەند بەربژێرێك ئاشكرای بكەن كە ئامادەن كێبەركێ بكەن لەسەر پۆستی یەكەمی حیزب ، با یەكێك لەكاندیدەكان باوكی رۆحی حیزبەكە و كاریزما و كەسایەتی سیاسی و ئەندامی ئەنجومەنی حوكمی عێراقیش بێت..


یەكگرتوو بیست و دوو ساڵە یاریزانێكی بەشخوراو و كۆڵنەدەری گەمە سیاسیەكەی كوردستانە ..یەكگرتوو لەژینگەیەكی بارگاویی و نائاساییدا ، پشتبەستوو بەخوا و قاعیدە بەهێزەكەی ، ئاسایی و ژیرانە مامەڵە لەگەڵ گۆڕاو نەگۆڕەكاندا دەكات ..


ئەو بارودۆخە سەختانەی بەسەر یەكگرتوودا هاتووە ، تاقەت پڕوكێن بووە ..هەوڵەكان بۆ لەباربردنی ئەزموونی سیاسی حیزبێكی پاشخان ئیسلامیی وەكو یەكگرتوو ، لەئاستێكدا بووە كێوەكان لەبن بێنێت ، وەلێ چونكە نییەتەكان باش بوون باشی هێناوە ...


وا لەسەرو بەندی كۆنگرەی حەوتەمین داین ، یەكگرتووەكان و ئەوانەشی ئومێدیان بەیەكگرتوو هەیە چاویان بڕیووەتە خۆر .. ئیتر گرنگ نییە كەم بن ، یان زۆر ..دەگەن بەخۆر..


تـــاهـــا سۆڵەیی
دارولمولكی بابان
لەسەروبەندی گرێدانی كۆنگرەی حەوتەمینی یەكگرتوو