كۆنگرە و راشكاوی و شەفافیەت

سوپاس بۆ خوا ئەم جارەش وەك جارانی پێشوو، كونگرەی یەكگرتوو بە سەركەوتووی بە كۆمەڵێك گۆڕانكاری گرنگ كۆتایی بە كارەكانی هێنا.

دیارە یەكگرتوو وەك هەر حیزبێكی تری كوردستانی حیزبە،بەڵام حیزبێك جیاواز لەوانی تر،مەبەسەت لە جیاوازی تەنها فیكر و دنیابینی نیە، نا هەموو حیزبێك فیكر و دنیابینی خۆی هەیە و ئەمەیان ناكە جیاوازی. بەڵكو ئەوە جیاوازیە كە زۆرینەی حیزبەكان بە هۆی ململانێ‌ ناوخۆییەكانیان، نەك هەر ناوێرن بە ئاسانی كۆنگرە ببەستن، بەڵكو بیر لێكردنەوەشی بەكێشە دەزانن.
یەكگرتوو زۆر جیاواز لەوانی تر و، وەك میلی سەعات هەر كاتێ‌ زەنگی كۆنگر لێیدا، ئیتر كەس خۆی كەڕناكات و هەموویان وەك یەك دەیبیستن. دوایی بیستنیشی نەك هەر كۆنگرە ساز دەكەن،بەڵكو راستەوخۆ لەكەناڵە ئاسمانیەكان پەخش دەكرێ‌ و، ئەم كارەش پێم وایە گەورەترین تەحەدای كەم وێنەیە، ئەم پەخشكردنە بەڵگەیە لەسەر ئەوەی كەس ترسی نیە و كەس ناترسێ‌ بۆ؟!
ئاخر دیارە كەس شتی شاراوە و مەلەفی نهێنی و تێوەگلان لە كەیسە ئابڕوبەرەكانی نیە.ئەوانەش كە ململانێ‌ لەسەر پۆستەكان دەكەن زۆر بە ئاسایی وەری دەگرن و كەس ئامادە نیە بە قسەی پوچ و تۆمەتی ناشیرین بەرامبەرەكەی بشكێنی تا خۆی سەركەوێ‌. بۆیە یەكگرتوو ئەوەندە لەخۆی دڵنیایە ئەگەر لەبەر ئەوە نەبوایە كە رێگای خەڵك دەگرن، هیچ كێشەیەكی نەبوو ئەگەر ئەو كۆنگرەیەی كە خەڵكانێك ناوێرن لە ژوورە داخراوەكانیش بیكەن، ئەوان ئامادەبوون لەسەر شەقامە گشتەكان و، بە بەرچاوی خەڵكەوە كۆنگرەی خۆی ببەستن.
بەراستی ئەو تەحەدا گەورەیە كەم وێنەیە و نابێ‌ بەكەم سەیر بكرێ‌،مۆدێلی گۆڕینی كەسی یەكەمی حیزبیش ناوازەترین و دەگمەن ترین دیارەدەیە لە مۆدێلی دنیای حیزی كوردی.