شەش سەرنجی خێرا لەسەر ڕاگەیەن]راوەكەی بزوتنەوەی گۆڕان ..

 

1- ئەگەرچی هیچ شتێكی تازەو باس نەكراوی پێشووی تیانەبوو ، وەلێ مانەوە لەكۆبوونەوەیەكـ بۆ ماوەی زیاتر لەحەوت سەعات بەڵگەیە لەسەر قووڵی ناكۆكی و بوونی ڕاو ڕای جێاوازو پێچەوانەوە بەیەكتر ، هەروەكـ بۆ هەر كۆمەڵەو حزبێكـ گەیشتن بە بڕیاری چارەنووسسازو گرنگـ هەتا ژمارەی ئەندامانی كۆبوونەوەكە زیاتر و فرە پاشخانی فیكری و ڕۆشنبیری و سیاسی بن ئەوەندەش بڕیارو هەڵوێستگرتن تیایدا ئەستەمە و بەئاسانی نایەتە بوون !
:
2- لەڕاگەیەنراوەكەدا باس لە مەترسی و هەڕەشەو ناڕەزایەتی وەڵاتانی دوورو نزیكـ نەكراوە چ لەسەر ئاستی جیهان یاخود وەڵاتانی ئیقلیمی ، ئەمەش واتە بزوتنەوەی گۆڕان درككی بەوە كردوە كە ئەو دەنگۆیانە ئەوەندەش‌ مایەی مەترسی و هەڕەشەی جیددی نین ! هەروەها ڕازیبوونێكی زارەكی و سەرپێیە بە ئەنجامدانی ڕیفراندۆم ئەگەرچی داوا دەكات دوابخرێت !
:
3- بەشێكی تر لەهاتنەوە دەرەوەی بزوتنەوەی گۆڕان بەم داڕشتەیە لەڕاگەیەنراوەكەیدا بۆ دوانەكەو‌تن و غائیب نەبوونی بزوتنەوەی گۆڕانە لە ساحەكەو ترسێكی شاراوەیە لەوەی ئەگەر بەدەم بانگەوازەكەی پارتیەوە‌ نەچن دوور نیە یەكێتی ئەم بۆشاییە پڕبكاتەوەو سوود له دەرفەتی غیاب و دیارنەمانی گۆڕان ببینێ !
:
4- بەبڕوای بەندە بەشێكی تر لەبێ مەرجی و نەرمی نواندنی گۆڕان بۆ ئەوە دەگەڕێتەوە كەبزوتنەوەی گۆڕان لەم قۆناغەدا نایەوێ هێزو هەژموونی زیاتر بە كەمپین و لیستە چاوەڕوانكراوەكەی شاسوار عبدالواحید بدا لەسەر حیسابی بێ هەڵوێستی و غیابی بزوتنەوەی گۆڕان و ئەندامە تۆراوو نیگەرانیەكانی كە بڕیارە شاسوار عبدالواحید و هاوڕێكانی بۆ هەڵبژاردنی داهاتوو بەشداری بكەن !
:
5- مادام ڕاگەیەنراوەكەی بزوتنەوەی گۆڕان خاڵیە لەمەرجی پێشوەختەو باسی قووت و مووچەی خەڵكە ، كەواتە دەرگایەكی خێرو ئاسۆیەكی باشی لەپشتە و ئومێدێكـ بە چارەسەری گرفتەكانی تر ئەدا !
:
6- ڕاگەیەنراوەكە ئەندامێكی مێێنەی چڤاتی نیشتمانی خوێندیەوە ، ئەمەش دیسان بۆ ڕەوینەوەو ڕاستكردنەوەی ئەو تێڕوانینە تەڵخەیە كە لای بەشێكی زۆر لە ئەندامانی بزوتنەوەەی گۆران دروستبووە بۆ ڕۆڵ و پێگەی ژن لەناو بزوتنەوەی گۆڕاندا كە ئەم تێڕوانینە زیاتر لە‌ چۆنیەتی و ئالیەتی هەڵبژاردنەوەی ئەندامانی خانەی ڕاپەرێن سەرچاوەی گرتووە ، واتە بەم پەیامە ویستیان بە گوێی هەوادارو لایەنگرانی ئەو حزبەدا بچرپێنن ئەگەرچی خانەی ڕاپەڕین گەنج و ژنی تیانیە وەلێ ئەوە مانای سفركردن و بێ ڕۆڵی ئەو دوو توێژە ناگەیەنێ !