ئیمارات ڕووی دووەمی جولەكەی عەرەبی !

 

1- ئیمارات پێكهاتووە لە حەوت میرنشینی یەكگرتوو بریتین لە ( ئەبو زەبی ، دوبەی ، شاریقە ، عەجمان ، ئوم قەیوین ، ڕەئسولخەیمە ، فوجەیرە ) ، بەهۆكاری جێاوازو بۆ بەرژەوەندی خودی دەسەڵاتداران بەتایبەتی‌ دەسەڵاتی میرنشینی ( ئەبو زەبی ) كە محمد بن زاید حاكمی ئەو میرنشینەیە بەپێچەوانەی ئەوانیتر لە هەوڵی بنیادنانی سوپایەكە كە بە مشەخۆرەكان دەناسرێت ( المرتزقە ) بیرۆكەی دروستكردنی ئەم سوپایە كۆنەو دەگەڕیتەوە بۆ چاخاكانی ناوەراست كە ئەوكات لەلایان پاشاو پاپاكانەوە بۆ پارێزگاریكردن لە بەرژەوەندیەكانیان و بەڕێوەبردنی ململانێ و سەركەوتن بەسەر نەیارەكانیاندا پەنایان بۆ دروستكردنی ئەم جۆرە لەسوپا دەدا ! پێكهاتەی ئەم سوپایە فرە ڕگەزی بێ ناسنامەو دوور لە هەموو بەهایەكی مرۆڤدۆستی و خاڵی لە هەر بیروباوەڕێكـ ، لەئێستادا دەسەڵاتدارانی ( ئەبو زەبی ) بە بووجەیەكی خەیاڵی ڕاستەوخۆ گەنجان و لاوانی هەردوو وەڵاتی بنگال و نیپاڵ هاوردە دەكەن و لە ڕیزی سوپادا جێگایان دەكەنەوە ، سەرەتا لەبەرانبەر بەشداریكردنی هەر سەربازێكی بیانی لەشەڕی ئێستای یەمەندا بۆ ماوەی سێ مانگـ ناسنامەی ئیماراتی پێ دەدرێت وەكـ هاوڵاتی و هاونیشتمانی ئەو وەلاتە مافی پارێزراوە ، له ‌ناوخۆی ئیمارات ئەركی ئەم سوپایە پاراستنی كۆمپانیا و دامودەزگا گرنگـ و باڵەخانە بەرزەكانە‌ ، وەلێ بۆ كاتی پێویست و ئەنجامدانی هەندێ كردەو پرۆسەی تایبەت بەدەزگا هەواڵگیریەكان بەشداری لەهەموو شەڕو جەنگێكدا ئەكەن لەبەرانبەر پارە ، تەنها فەرمان و گوێڕایەڵی ئەو سەركردەیە ئەبن كە پارەی زیاتربان پێ ئەدا ، ئەوە جگە لەوەی ئەركی پاراستنی شخصی و ماڵ و خانەوادەی میرەكان بەهەندێكـ لەو سەربازانە سپێردراوە !

:
2- ئیمارات یەكەمین وەڵاتی عەرەبیە لەكەنداو دەیان كەناڵی ئاسمانی‌ لەناوخۆدا پەخش دەكات سەرپەرشتیار و بەڕێوەبەرانی زۆرینەی ئەو كەناڵانە بەئاشكرا و بێ پەردە لە شیعەو عەلمانی و لیبراڵەكان پێكدێت ، ‌بەشێكـ لەبەرنامەو داڕشتەی هەواڵ و گواستنەوەی ڕووداوەكان و سیاسەتی كەناڵەكان بەگشتی دژایەتیكردن ئیسلام و یەكسانكردنی ئاینی پیرۆزی ئیسلام بەتیرۆر و تۆقاندن بەرنامەی ( صناعە الموت ) لەكەناڵی العربیە بەنمونە ! دیسان لە ئاستی وەڵاتانی عەرەبی دووەم وەڵاتە پاش میسر و لەئاستی وڵاتانی ( شام و كەنداو ) یەكەم وەڵاتە لەڕووی پەخشی سەدان كەناڵی جۆراوجۆرو ناسازو دژ بە بەهاو ئەخلاقی كۆمەڵ و كۆمەڵگای كەنداوی عەرەبی گروپی (MBC ) و سەدان كەناڵی گۆرانی و سەماو مۆسیقا و پێشبڕكێی نزم و داڕوخاو نمونەیەكی بەرچاون ! بەداخەوە بەشێكـ لەو كەناڵه تایبەتانەی كە فلیم و گۆرانی و دراما پەخش دەكات به پارەو سامان و داهاتی سعودیە بەگشتی و بنەماڵەی ئال سعود دابینكراوە كە بێ گومان له ‌خێرو شەڕدا هاوبەشن !
:
3- ئەم وەڵاتە لەزۆرینەی هاوپەیمانە نێودەوڵەتیەكان بەشدارە‌ ئەگەر چی دژ بەیەكتربن ! بۆ نمونە هاوپەیمان و هاوبەرەی وڵاتی ئال سعودە دژ بە بەشار ئەسەد كەچی خێزان و خزمە پلەیەكەكانی ڕژێمی سوریا لەئیمارات نیشتەجێی و پارێزراون ! دیسان لەگەڵ سعودیەو هاوپەیمانەكانی دژ بە عەلی عبدالله صاڵح و حوسیەكانی یەمەن لەجەنگدایە ، كەچی كوڕە گەورەی عەلی عبدالله صالح بەناوی ( ئەحمەد ) كە پێشتر بەرپرسێكی باڵای سەربازی بووە ئێستا لەئیمارات بەسەلامەتی ئەژی و هەر لەو وەڵاتەوە سەرپەرشتی ئەو هێزە دەكات دژ بە سعودیە دەجەنگێت ! سەرباری هاوكاری مادی و مەعنەوی تەواوی شۆڕش و دژە شۆڕشەكانی جیهانی ئیسلامیی ڕۆڵی سەرەكی گێڕاوە لە كودەتا شكستخواردووەكەی سوپا و گوڵنیەكان دژ بەحكومەتی‌ توركیا و سەرخستنی سیسی له ‌میسر ! بەهەمان ئاواز لە هەوڵی بەئامانجگرتنی شۆرشەكەی لیبیایە لەڕیگەی بەهێزكردنی پێگەی سەربازی و سیاسی حەفتەر !
:
4- سەرباری ناكۆكی و شەڕی ساردی كۆن و نوێ لەگەڵ بنەماڵەی ئال سعود ، وەلێ لەڕێگەی نەوەكانی ئەو بنەماڵەوە دەستیخستۆتە ناو كاروباری ناوخۆی سعودیە لەچەندین دۆسیەدا یاری دەكات ، بۆ نمونە لەهێنانە پێشەوەی بەرپرسانی باڵای سعودیە یاخود دوورخستنەوە و تارنانیان بۆ دەرەوە ،بەداخەوە ئەگەرچی سعودیه لەڕووی جوگرافیاو پێگەی زانستی و پیرۆزی هەردوو شاری مەككەو مەدینەی ‌لە ئیمارات لەپێشترە ، وەلێ ئیمارات بەهۆی لینكی بەهێز و دیبلۆماسیەت و پەیوەندیە ئابوری و سیاسیەكانی بەدونیای دەرەوەدا سعودیەی ناچاركردوە شوێنی بكەوێ یاخود نەتوانێ رووبەڕووی ببێتەوە ! ساڵی ڕابووردوو ڕێكـ لە مانگی ئابدا لەگرۆزنی پایتەخی ‌شیشان بەهاوكاری بەرپرسانی ئەو وەڵاتەو بەئامادەبوونی شێخی ئەزهەر ( أحمد الگیب ) كۆنگرەیەكی ڕێكخست لەژێر ناونیشانی ( من هم أهل السنە والجماعە ؟ ) تیایدا دەیان كەسایەتی‌ دیاری جیهانی ئیسلامیی و چەندین گروپ و ڕێكخراوی‌ ئیسلامیی بانگهێشت كردبوو ، دواجار بەڕاگەیەنراوێكـ سعودیەو زانایانی كیباری ئەو وەڵاتەی‌ كردە دەرەوەی شوێنكەوتەی ئەهلی سوننەو جەماعە و ئەوەشی ڕەددكردەوە كە تەنها ئەوان نوێنەرایەتی ئیسلام و موسڵمانان دەكەن !
:
5- ئەگەر چی لەلایان ئێرانەوە سێ دوورگەی داگیركراوە ( گنب الكبری ، گنب الصغری ، ئەبو موسی ) وەلێ بەگوێرەی خودی ئاماری فەرمی ئیمارات نزیكەی 600 هەزار ئێرانی لە ئیمارات نیشتەجییە كە هەتا ئێستا وەكـ خۆیان ناسنامەی نەتەوەیی و مەزهەبیان پاراستوە ! رۆژانە 100 هەزار ئێرانی ڕوو لەو وەڵاتە دەكەن ! خێزانە بەناوبانگەكانی ئێرانی لەو وەڵاتە نیشتەجێێن بریتن لە ( گلەداری ، قرقاش ، عگێلی . ڕەفیق دۆست ) كە ڕۆڵی سەرەكی دەگێڕن لەزۆرینەی دامودەزگا فەرمیەكانی ئیمارات لەوانە دروستكردنی بینا و باڵەخانە بەرزو گرنگەكان لەئەسۆی ئەواندایە‌ ، ئیمارەتی دوبەی بەهۆی بوونی هەژموونی ئێرانیەكان لەو ئیماراتە دانیشتوانی ئێرانی میرنشینی دوبەی ئیمارات بەپارێزگایەكی ئێرانی دەزانن ! زمانی فارسی پاش زمانی عەرەبی بەپەلەی دووەم دێت كە لەنێوخۆیاندا ئێرانیەكان وەكـ دووەم زمانی فەرمی وەڵات قسەی پێدەكەن ! لە ئیمارات 10 بڵاوكراوە بەزمانی فارسی دەرئەچێت . زیاتر لە 10 ناوەندی فێربوونی تایبەت بە ئێرانیەكان بوونی هەیە بۆ پێشوازیكردن لەو قوتابیانەی ڕوو لەئیمارات دەكەن و لەوێشەوە پەروەردەكردنیان لەسەر بنەماو بیروباوەڕی خۆیان ! گرنگترینیان‌ ( پەیمانگای ئیمامی خومەینی لە ئەبو زەبی ، پەیمانگای خەدیجە الكبری و سلمان الفارسی لە دوبەی ، پەیمانگای شاریقە ) هەروەها زانكۆیەكی تایبەت بە پێدانی بڕوانامەی بەكا‌لۆریس و ماستەر بە ئێرانیەكان ! خەستەخانەیەكی تایبەت بە ئێرانیەكان لە دوبەی بۆ چارەسەركردن و سەردانی ئێرانیەكانی ئەو وەڵاتە ! دیسان بەگوێرەی دوا ئاماری وەزارەتی ئێران نزیكەی 500 هەزار كۆمپانیا لەهەموو جیهاندا كاری هاوردە دەكات بۆ ئێران لەڕێگەی ئیماراتەوە ! لەڕاپۆرتێكی دەزگای هەواڵی ڕۆیتەرزدا هاتووە نیوەی كاڵاو شتومەكی ئێران لەڕێگەی ئیماراتەوە دابین ئەكرێ ، ئەمەش بارگرانی و قورسایی گەمارۆی ئابوری سەر ئەو وەڵاتەی سووكـ كردوە!