بایكۆت زەڵاتەیە

ئەگەر دەسەڵاتدارانی هەرێم وا حاڵیی بوون بایكۆت كێشەیە ، كه خەریكن بەزۆر ناڕەزایی بەخەڵك بشكێنن ، واباشه بزانن كە هێشتا قەیرانەكان دەستیان پێنەكردووە .. لەسایەی بێ عیززەتی حكومەتی هەرێم ، لەوانەیە میلەت سەر شۆڕ بكات و قەیرانە راستەقینەكان دەستپێبكات ؛ تا دەبنە دیاردە و دواجار بەریشی لێناگیرێ : .1 لەشفرۆشی زیاد ئەكات ، ئەمەش نەخۆشی مەترسیداری لێدەكەوێتەوە ، دوایی دێنەوە بۆ خەستەخانەكانی لای حوكمەت هەرێم .. .2 دزی زۆر دەبێت ، گومان و ترس زیاد ئەكات ؛ كاری دادگاكان قورس ئەكات ؛ زیندانی تازەی ئەوێت ئەی حوكمەت هەرێم. 3.كاسەی بەتاڵ ئاژاوەی ماڵە ؛ تەڵاق و كێشەی كۆمەڵایەتی پەرەدەستێنێت .. ئەی حوكمەت هەرێم. .4كێشەكان بەڕێوەن لەنێوان هاوڵاتیان و هەموو كۆمپانیاكاندا ؛ خاوەن خانوو و كرێچی ، كە عاقیبەتەكانیان نادیارە ، ئەركی دادنووس و دادگا و پۆلیس و زیندانەكان قورس ئەكات.. ئەی حوكمەت هەرێم. 5. مادە هۆشبەرەكان مەترسیدارن ..هەرخێزانێك تلیاك خۆرێكی تیا درووست بێت ، ئیتر ماڵوێران ئەبن .. ئەی حوكمەت هەرێم. 6. نەخۆشی دەروونی ؛ خەریكە زیاد ئەكات ، چارەسەری ئەم جۆرە كەیسانە خەرجی زۆر و موعاناتی سەخت بەدوای خۆیدا ئەهێنێ ، ئەمە جگە لە مەترسی عاقیبەتی دڵتەزێن لەوانەش خۆكوژی .. ئەی حوكمەت هەرێم. 6. زۆرینەی خەڵك قەرزیان كردووە و چاوەڕوانی مووچەكانیانن ، ئەگەر فریانەكەوون ، ئاژاوە و میحنەتەكانمان زیاد ئەكات .. ئەی حوكمەت هەرێم. 7.ئاساییشی ناوخۆیی كوردستان لەمەحەكدایە ..چونكە بەردەوامی ئەم قەیرانانە ، سەر ئەكێشێت بۆدەست تێوەردانی دەزگا موخابەراتییەكانی چواردەورمان ، خۆمان دەرگای تیرۆرمان خستۆته سەرپشت ، كەسی قەرزار و برسی ؛ لە موحتاجیدا تووڕە دەبن و بیر لە تۆڵەسەنەندەوە عەجایەب نییە ، مەترسی تەجنیدكردنی كەسانی موحتاج لەئاردایه بۆ ئەوەی ببن بە پیاوی ئەملا و لا ؛ سەرەنجام كاری حیساب بۆنەكراوی لێچاوەڕوان ئەكرێت ، كە تەقینەوە یەكێكیانە .. ئەی حوكمەت هەرێم. بیرخستنەوەیەكی دڵسۆزانەیە ؛ تاكار لەكار نەترازاوە .... تاها سۆڵەیی دارولمولكی بابان 25 ی شوباتی 2016