ستەم لە وەرزشی كوردستان

دەستكەوت و ئەنجام ناوبانگە بەرچاوەكانی بەشدارییە عێڕاقیەكان و دەرەكیەكانی تۆپی پێی كوردستان بە نوێنەرایەتی هەردوو یانەی پێشەنگ هەولێری قەڵا و منارە و دهۆكی بازی چیاكان.

لە وەدەستهێنانی قەلغانی خولەكانی نایاب و بژاردە و بەشداری لە جامی یانەكانی ئاسیا هەولێر چوار جار قەلغان و دهۆك یەك قەلغان و بەشداری بەرچاوییان لە چالاكییە دەرەكیەكان بە تایبەتی دوو جار پلەی دووەمی جامی یانەكانی ئاسیا و هەڵكشانی گەورەی یانەی هەولێر لە ڕیزبەندی یانە گەورەكانی جیهان لە فیفا كە خاڵبەندی بۆ دەكات.

ئەم دەستكەوت و ئەنجام و ناوبانگەی یانە كوردستانیەكان و چالاكیە ئاسیایەكانی عێڕاقە لە یاریگاكانی هەولێر و دهۆك، نیشاندانی ڕەوشی پێشكەوتووی هەرێمی كوردستان بە جیهان لە ڕێگەی میدیاكانی جیهانی بووە هۆی ڕەشبینی و دیدی ڕەگەز پەرستانە و بیركردنەوەی چەوت لە لایەن بەرپرسانی وەرزشی عێڕاقی بە پاڵپشتی سەركردەو سیاسیە شۆڤێنیەكان و ڕەگەز پەرستەكان، بووە هۆی داڕشتنی پیلان و ڕێگرتن و سڕینەوە و دورخستنەوەی یانەكان و تۆپی پێی كوردستان لە دەستكەوت و بەشدارە دەرەكیەكان.

ئایا ڕەوایە لەگەڵ بوونی ئەم هەموو یاریزانە بەهرەدار و ئەستێرە، بەڵام بە دەگمەن یاریزانی هەرێمی كوردستان لە هەڵبژاردەی تازەپێگەیشتوان و لاوان ئۆڵۆمپی پێشێڵ دەكرێت.

ئایا بڕوا دەكرێت لەم هەموو ناوبژیوان و یاریدەران و ڕاهێنەری ژیر زانستمەند و هونەری و كارگێڕی پسپۆڕ و میدیاكاری بەرچاو شایستەی ئەوە نین یاوەری شاندەكانی عێڕاقی بكەن.

دواین ناڕەوایی و ڕێگرتن و هەڕەشەكردن و نادادپەروەری كە لە یانەی دهۆك كرا لە یاری پێشكۆتایی جامی عێڕاقە سێ‌ چارەگی ڕێگاكەی بڕیبوو، ڕێگرتن لە وەرگرتنی یانەی هەولێر لە پێشەنگی كۆمەڵەكەی یاری قوەی جەوییە نمونەیە، بۆیە باشترین ڕێگا چارە لە دەرباز بوونی تۆپی پێی كوردستان و یانەكانی و دۆزینەوەی ڕێگایەكی ژیرانە و تەندروست بۆ بەشداری دەرەكی و مومارەسەكردنی مافی سروشتی و ئاسایی و یاسایی وەرزشوانانی كوردستان كە دەتوانین ئەم پێشێڵكاریە زەقانەی لە مافی وەرزشوانانی كوردستان دەكرێت بە ڕێگا دیبلۆماسیەكان بگەینە دەزگا گەورەكان وەك یەكێتی تۆپی پێی جیهانی و ئاسیایی.

تكایە بەرپرسان و هاواداران و یانەكانی كوردستان و میدیاكاران گرنگی گەورە و بەرپرسانە ببەخشنە تۆپی پێی كوردستان لە چالاكی و خولەكان تا قەرەبووی ئەم نا دادپەروەریانە بكەینەوە.