پێشنیارێك بۆ بەڕێوە بەرایەتی هاتووچۆی سلێمانی

بەڕێزان لە هاتووچۆی سلێمانی: السلام علیكم.

                  كار و چالاكیەكانتان جێگای ڕێز و دەستخۆشییە، بە تایبەت دانانی ئەو ترافیكە نوێیانەی ناوشار، چی ئەوانەی بۆ پەڕینەوەی هاوڵاتیان یان ترافیكە نوێكانی شەقامە گشتیەكانی ناوشار و شارۆچكەكان.
هەرچەند دانای ترافیك بۆ كەمكردنەوە قەرەباڵخی و ڕێكخستی هاتوچۆیە، بەڵام لەهەندێ جێگا و چوار ڕیاندا ئەو ترافیكانەی كە هێڵی هاتنە ناوەوەی سەنتەری شاریان لەسەرە، قەرەباڵخیەكی ناڕێك لە هێڵی هاتنەناوەوەدا دروست دەكات، بۆ نمونە وەك ترافیكە نوێكەی چوار ڕیانی ( مامە ڕیشە)، ئەو شەقامانەی كە لای گەڕەكی (شارەوانی و دەستاڕەكە) وە دێن بۆ ئەو ترافیكە قەرەباڵخی زیاتری لەسەرە لە چاو ئەو شەقامانەی كەلە ( سلێمانی پاڵاس و گەڕەكی چوارباخ) وە دێن بۆ ئەوێ بە تایبەت لە بەیانیاندا، چونكە ئەو دوو شەقامەی باسمانكرد بە زۆری بۆ هاتنەناوەوەی سەنتەری شار و ئەوانیتر بۆ دەرچونە لەسەنتەری شار، ئاخر ناكرێت ئۆتۆمبێلەكانی دولای شەقامەكە بەیەكجار لە ترافیكەكە دەربازببن و ئۆتۆمبێلەكانی دوو لاكەیتر بە سێ چوارجار لە ترافیكەكە دەربازبن.
بۆ كەمكردنەوەی ئەو قەرەباڵخیە بەندە دوو چارەسەر بە گونجاو دەزانم.
یەكەم: دەكرێت ترافیكی شەقامە قەرەباڵخەكان كاتی زیاتریان بۆ دیاری بكرێت لە چاو ئەو شەقامانەی كە كەمتر فشاریان لەسەرە، بەمەش هاوسەنگیەك دروست دەبێت لە نێوان هاتوچۆی شەقامەكاندا.
دووەم: وەك چۆن ترافیكی چوارڕای دەستاڕەكە زۆرجار كاری پێناكرێت و پۆلیس هاتوچۆی ئۆتۆمبێلەكان ڕێك دەخات، بۆ كەمكردنەوە و ڕێكخستن لە هەمان ترافیكی مامە ڕیشەش كار بە ترافیكەكان نەكرێت و كارەكە بە برایانی پۆلیس بسپێردرێت...
بە هیوای سەركەوتن و بەردەوامی لە كارە جوانەكانتان.

 

10/4/2018